Відэаблог

З пляцоўкі Вікіпедыя
Jump to navigation Jump to search

Відэаблог (скарочана влог [англ. vlog, ад video blog або video log]) — гэта форма блога, у якім сродкам перадачы інфармацыі з'яўляецца відэа[1] Відэаблог з'яўляецца формай вэб-тэлебачання. Запісы ў відэаблогах спалучаюць убудаванае відэа ці відэа-сувязь з падтрымкай тэксту, малюнкаў і іншых метададзеных. Запісы могуць быць зробленыя ў выглядзе аднаго блока або складацца з некалькіх частак. Відэаблогі вельмі папулярныя на YouTube.

Відэаблогі часта выкарыстоўваюць перавагі вэб-сіндыкацыі для забеспячэння распаўсюджвання відэа праз інтэрнэт з выкарыстаннем фарматаў сіндыкацыі (RSS або Atom) для аўтаматычнай агрэгацыі і прайгравання на мабільных прыладах і персанальных кампутарах (гл. «падкастынг»).

Гісторыя[правіць | правіць зыходнік]

2 студзеня 2000 года Адам Контрас адправіў відэазапіс у блог, маючы на мэце інфармаванне сваіх сяброў і сям'і аб сваім руху праз усю краіну да Лос-Анджэлеса ў пошуках шоў-бізнэсу, што стала першым паведамленнем такога роду, і што пазней стала самым працяглым відэаблогам ў гісторыі.[2][3][4] . У лістападзе таго ж года Адрыян Майлз наклаў відэа тэксту, які змяняўся на нерухомым малюнаку, прыдумаўшы тэрмін vlog для спасылкі на свой відэаблог.[5][6] У 2004 годзе Стыў Гарфілд запусціў свой уласны відэаблог і абвясціў гэты год «годам відэаблога».[7][8] У барацьбе за выкананне гэтага прагнозу Майлза і Гарфілда да іх неўзабаве далучыліся іх анлайн калегі Джэй Дедман, Пітэр Ван Дийк, Андрэас Хогстрап Педерсен і Крыстаф Баутен, стварыўшы групу на Yahoo! Groups, прысвечаную відэаблогам.[9]

Прэм'ер-міністр Расійскай Федэрацыі Дзмітрый Мядзведзеў вядзе свой відэаблог пасля візіту ў Лацінскую Амерыку ў лістападзе 2008 года.

Моцны рост папулярнасці відэаблогаў паўстаў пачынаючы з 2005 года. На сайце Yahoo! колькасць групы Videoblogging рэзка ўзрасла ў 2005 годзе.[10][11] Найпапулярнішым на сённяшні дзень сайт абмену відэа YouTube быў заснаваны ў лютым 2005 года. Да ліпеня 2006 года ён стаў пятым па папулярнасці сярод самых папулярных вэб-сайтаў са 100 мільёнамі праглядаў відэа штодня і 65 тысячамі новых дабавак у дзень.[12]

Многія сістэмы кіравання змесцівам з адкрытым кодам забяспечылі ўключэнне відэаінфармацыі ў кантэнт, дазваляючы блогерам ствараць і адміністраваць свае ўласныя сайты відэаблогаў. Акрамя таго, злучэнне мабільных тэлефонаў з лічбавымі камерамі дазволіла публікаваць відэа-кантэнт у сеціве амаль адразу ж, як ён быў запісаны.[13]

На дадзены момант адным з найбольш папулярных відэаблоггераў (больш за 50 млн на YouTube) з'яўляецца Фелікс Чельберг (PewDiePie), які робіць пераважна гульнявыя відэа.

Відэаблогі ў Расіі[правіць | правіць зыходнік]

З моманту запуску рускамоўнай лакалізацыі YouTube у 2007 годзе на сэрвісе стаў развівацца відэаблогінг на рускай мове. На сённяшні дзень самым папулярным рускамоўным відэаблогерам з'яўляецца Івангай (больш за 10 млн падпісчыкаў). Даходы відэаблогераў з менш за 1 млн падпісчыкаў складаюць ад 100 000 да 500 000 рублёў, з 1 млн падпісчыкаў і больш — ад 200 000 да 1,5 млн рублёў. У комплексе з акаўнтамі ў Instagram і «ВКонтакте» з больш чым 1 млн падпісчыкаў даходы блогера могуць складаць ад 10 да 20 млн рублёў. Агульны аб'ём рэкламнага рынку расейскамоўнага YouTube дасягае 1,5 млрд рублёў[14][15].

Найважнейшыя падзеі ў сферы відэаблогаў[правіць | правіць зыходнік]

  • 2005, студзень — Першая канферэнцыя відэаблоггераў у Нью-Ёрку.[16]
  • 2006, лістапад — Першае штогадовае ўзнагароджанне відэаблоггераў праводзіцца ў Сан-Францыска.[17]
  • 2007, травень і жнівень — The Wall Street Journal змяшчае бабулю на першай старонцы часопіса.[18] У жніўні яна прадстаўлена ў Навінах ABC, тым самым паказваецца, што пажылыя людзі цяпер ўключаюцца ў сусветнае анлайн відэа.[19]
  • 2010, лістапад — зроблена паведамленне аб фільме, цалкам выкананым шляхам аб'яднання відэаблогаў ад рэальных людзей і віртуальных аватараў (VLOGGERthemovie.net). Павінен быў быць выпушчаны ў 2011 годзе.[20]

Зноскі

  1. Media Revolution: Podcasting New England Film.
  2. Kontras, Adam Talk about moving in the 21st Century... (2 студзеня 2000). Архівавана з першакрыніцы 27 студзеня 2001.
  3. Kaminsky Michael Sean.
  4. Kapuso Mo, Jessica Soho Pinoy Culture Video Blog (Filipino language). GMA Network (7 лютага 2009). Архівавана з першакрыніцы 2 сакавіка 2009.
  5. Miles, Adrian Welcome (27 лістапада 2000). Архівавана з першакрыніцы 8 студзеня 2004.
  6. Miles, Adrian vog (27 лістапада 2000). Архівавана з першакрыніцы 23 ліпеня 2001.
  7. Garfield, Steve 2004: The Year of the Video Blog (1 студзеня 2004). Архівавана з першакрыніцы 31 снежня 2004.
  8. Garfield, Steve 2004: The Year of the Video Blog. Steve Garfield's Video Blog. Steve Garfield (1 студзеня 2004). Архівавана з першакрыніцы 25 красавіка 2011.
  9. Yahoo! Groups: Videoblogging. Yahoo! Groups (31 мая 2004). Архівавана з першакрыніцы 27 ліпеня 2012.
  10. Those darn video blogging pioneers BusinessWeek
  11. Blogging + Video = Vlogging Wired News
  12. YouTube serves up 100 million videos a day online , USA Today, Gannett Co. Inc. (2006-07-16).
  13. Mobile blogging for journalists
  14. Фабрики звезд
  15. Блоги в руки
  16. Watch me@Vlog The Times of India
  17. A Night at the Vloggies Red Herring
  18. Jessica E. Vascellaro. Using YouTube for Posterity , Wall Street Journal (2007-05-10), стр. D1.
  19. The Elderly YouTube Generation (8 жніўня 2007). Архівавана з першакрыніцы 27 ліпеня 2012.
  20. Vlogger (2011) - IMDb (англ.)  на сайце Internet Movie Database(англ.