Відэахостынг

З Вікіпедыі, свабоднай энцыклапедыі

Відэахостынг — вэб-сэрвіс, які дазваляе загружаць і праглядаць відэа ў браўзеры, напрыклад, праз адмысловы прайгравальнік. Большасць падобных сэрвісаў не прадастаўляюць відэа, паводле прынцыпу «кантэнт генерыруе карыстальнік» (User-generated content). Відэахостынгі сталі набіраць папулярнасць разам з распаўсюджваннем шырокапалоснага доступу ў інтэрнэт і развіццём цвёрдых дыскаў, на якіх захоўваюцца вялізныя аб’ёмы інфармацыі.

Спецыялізацыя[правіць | правіць зыходнік]

Большасць відэахостынгаў тэматычна не абмяжоўваюць напаўненне. Аднак некаторыя відэахостынгі займаюць спецыялізаваныя сектары, прапануючы тэматычныя парталы. Асаблівае месца займае SciVee — сэрвіс публікацыі навуковага і навукова-папулярнага відэакантэнту, а таксама тэкставых вынікаў даследаванняў у дадатак да яго.

Прававыя аспекты[правіць | правіць зыходнік]

У той час, як на некаторых сайтах праводзіцца жорсткі кантроль запампаваных файлаў (як, напрыклад, на Вікісховішчы, дзе захоўваецца мноства свабодных ролікаў), многія відэахостынгі адчуваюць праблемы, звязаныя з тым, што карыстальнікі ўкладаюць відэафайлы, не з’яўляючыся іх праваўладальнікамі.

Тэмпы росту аб’ёму і трафіка[правіць | правіць зыходнік]

У канцы 2007 года трафік YouTube перасягнуў сумарны трафік на тэрыторыі ЗША ўзору 2000 года[1][2]. У канцы 2008 года YouTube і Hulu перасягнулі гэты паказчык у два разы[1].

Зноскі