Віктар Аляксандравіч Назаранка

Віктар Аляксандравіч Назаранка
Віктар Аляксандравіч Назаранка
Дата нараджэння	5 сакавіка 1956 (69 гадоў)
Месца нараджэння	Мінск, Беларуская ССР, СССР;
Альма-матар	Ваенная акадэмія імя М. В. Фрунзэ;
Грамадзянства	СССР; Украіна;
Званне	генерал арміі Украіны[d]
Бітвы/войны	Афганская вайна;
Узнагароды і званні
	Медыяфайлы на Вікісховішчы

Віктар Аляксандравіч Назаранка (нар. 5 сакавіка 1956(1956-03-05), Мінск) — савецкі і ўкраінскі афіцэр памежнай службы, украінскі дзяржаўны дзеяч, кіраўнік Дзяржаўнай памежнай службы Украіны (2017—2019), дарадца Прэзідэнта Украіны (2017—2019). Доктар ваенных навук. Генерал арміі (2017). Удзельнік вайны ў Афганістане^[1].

Біяграфія

Нарадзіўся 5 сакавіка 1956 года ў Мінску.

У 1977 годзе скончыў Львоўскае вышэйшае ваенна-палітычнае вучылішча. У 1977—1983 гадах праходзіў службу ў Львоўскім памежным атрадзе Заходняй памежнай акругі, быў намеснікам начальніка і начальнікам памежных застаў.

У 1986 годзе скончыў Ваенную акадэмію імя М. В. Фрунзэ.

У 1986—1992 гадах праходзіў службу ў Сярэднеазіяцкай пагранічнай акрузе, быў начальнікам мотаманеўравай групы (Афганістан), намеснікам начальніка штаба — начальнікам аддзялення штаба, начальнікам штаба — намеснікам начальніка пагранічнага атрада.

У 1992—1994 гадах — начальнік штаба — намеснік начальніка Львоўскага памежнага атрада Памежных войскаў Украіны. У 1994—1995 гадах — начальнік асобнага пункта пропуску «Прыкарпацце». У 1995—1998 гадах — намеснік начальніка штаба Паўночна-Заходняга ўпраўлення Памежных войскаў Украіны.

У 1998—2000 гадах — намеснік камандуючага войскамі напрамку — начальнік аператыўна-ваеннага аддзела Паўднёвага напрамку Памежных войскаў Украіны.

У 2000—2002 гадах — камандуючы войскамі Крымскага напрамку Памежных войскаў Украіны.

У 2002—2003 гадах — камандуючы войскамі Азова-Чарнаморскага напрамку Памежных войскаў Украіны.

У 2003—2004 гадах — начальнік Азова-Чарнаморскага рэгіянальнага ўпраўлення Дзяржаўнай памежнай службы Украіны.

З 2004 па 2014 год займаў пасаду першага намесніка дырэктара Дэпартамента аховы дзяржаўнай граніцы Адміністрацыі Дзяржаўнай памежнай службы Украіны.

З кастрычніка 2014 года прызначаны першым намеснікам старшыні Дзяржаўнай памежнай службы Украіны — дырэктарам Дэпартамента аховы дзяржаўнай мяжы.

23 кастрычніка 2014 года прызначаны кіраўніком Дзяржаўнай памежнай службы Украіны^[2]. 21 ліпеня 2017 года страціў прытомнасць пры падпісанні беларуска-украінскіх міжурадавых дакументаў у Адміністрацыі Прэзідэнта Украіны ў прысутнасці Прэзідэнта Беларусі Аляксандра Лукашэнкі і Прэзідэнта Украіны Пятра Парашэнкі, быў гаспіталізаваны^[3] і неўзабаве, 25 ліпеня 2017 года, падаў у адстаўку па стане здароўя^[4].

З 25 ліпеня 2017 года па 18 мая 2019 года — дарадца Прэзідэнта Украіны.

Кандыдат псіхалагічных навук па спецыяльнасці «Псіхалогія дзейнасці ў асаблівых умовах», доктар ваенных навук па спецыяльнасці «Ахова дзяржаўнай граніцы».

Узнагароды

Ордэн Багдана Хмяльніцкага III ступені
Ордэн Багдана Хмяльніцкага II ступені,
ордэн Чырвонай зоркі
медаль «За баявыя заслугі» — за службу ў Аўганістане.

Сям’я

Жонка — Алена Назаранка. Дачка — Ірына Віктараўна Дзікавіцкая. Сын — Аляксандр Віктаравіч Назаранка, супрацоўнік Службы бяспекі Украіны^[5].

Крыніцы

Спасылкі

На Вікісховішчы ёсць медыяфайлы па тэме Віктар Аляксандравіч Назаранка

[1] Падчас прамовы Лукашэнкі ў Кіеве страціў прытомнасць украінскі генерал

[2] Беларусь нарадзіла, Украіна прыняла: знакамітыя ўкраінцы, якія пабачылі свет на радзіме Арастовіча

[3] Голова Держприкордонслужби залишається в лікарні після втрати свідомості на офіційній церемонії

[4] Глава Госпогранслужбы подал в отставку

[5] Керівник прикордонників не має машини, але у родичів автопарк на 5 мільйонів

[1]

[2]

[3]

[4]

[5]