Віктар Васільевіч Садоўскі

Віктар Васільевіч Садоўскі
Дата нараджэння	1 студзеня 1950(1950-01-01) (76 гадоў)
Месца нараджэння	Якубаўка, Smotrovobudskoe Rural Settlement[d], Клінцоўскі раён, Бранская вобласць, РСФСР, СССР
Грамадзянства	СССР  Беларусь
Род дзейнасці	навуковец, выкладчык універсітэта, прарэктар
Навуковая сфера	таваразнаўства, матэрыялазнаўства і тэкстыльная прамысловасць
Месца працы	Беларускі дзяржаўны эканамічны ўніверсітэт Амурскі дзяржаўны ўніверсітэт[d] Санкт-Пецярбургскі дзяржаўны ўніверсітэт прамысловых тэхналогій і дызайну Гомельскі кааператыўны інстытут Амурскі дзяржаўны ўніверсітэт[d]
Навуковая ступень	доктар тэхнічных навук (1999)
Навуковае званне	прафесар (1993)
Альма-матар	Санкт-Пецярбургскі дзяржаўны ўніверсітэт прамысловых тэхналогій і дызайну (1974)
Узнагароды	Ганаровая грамата Міністэрства адукацыі Рэспублікі Беларусь (2009)

Віктар Васільевіч Садоўскі (руск.: Виктор Васльевич Садовский; нар. 1 студзеня 1950) — вучоны ў галіне тэхналогіі, матэрыялазнаўства і таваразнаўства тэкстыльных матэрыялаў, доктар тэхнічных навук (1996), прафесар (1993).

Біяграфія

Нарадзіўся ў вёсцы Якубаўка Клінцоўскага раёна Бранскай вобласці. У 1965 годзе паступіў у тэкстыльны тэхнікум у Клінцах, пасля сканчэння якога быў размеркаваны ў горад Петразаводск, дзе працаваў на мясцовай тэкстыльнай фабрыцы вобласці. У 1974 годзе скончыў Ленінградскі інстытут тэкстыльнай і лёгкай прамысловасці імя С. М. Кіраваі быў пакінуты працаваць у ім на кафедры тэхналогіі і абсталявання трыкатажнай вытворчасці. У 1975 годзе паступіў у аспірантуру пры інстытуце і ў 1978 годзе абараніў кандыдацкую дысертацыю. З 1978 года В. В. Садоўскі працаваў у Благавешчанскім тэхналагічным інстытуце, займаў пасады старшага выкладчыка, загадчыка кафедры, дэкана факультэта. У 1981—1990 гадах В. В. Садоўскі ў Гомельскім кааператыўным інстытуце: старшы выкладчык, дацэнт кафедры таваразнаўства нехарчовых тавараў (з 1985 года), намеснік дэкана таваразнаўчага факультэта, з 1984 года — прарэктар па завочнаму навучанню. У 1990—1998 гадах — першы прарэктар Амурскага дзяржаўнага ўніверсітэта, з 1993 года па кафедры матэрыялазнаўства і тэхналогіі тэкстыльных матэрыялаў. У 1996 годзе абараніў доктарскую дысертацыю на тэму «Материаловедение производств текстильной и лёгкой промышленности». У 1998 годзе В. В. Садоўскі вярнуўся на працу ў Гомельскі кааператыўны інстытут, дзе да 2002 года займаў пасаду прарэктара па навучальнай рабоце. З 2002 года — першы прарэктар Беларускага дзяржаўнага эканамічнага ўніверсітэта, з 2018 года — прафесар кафедры таваразнаўства нехарчовых тавараў.

Навуковая дзейнасць

В. В. Садоўскаму належаць навуковыя працы па даследаванню тэхналагічных працэсаў вытворчасці тэкстыльных матэрыялаў, метадах і сродках ацэнкі, вывучэнню і прагназаванню ўласцівасцей тэкстыльных матэрыялаў, таваразнаўству, экспертызе і бяспецы нехарчовых тавараў і сыравінных матэрыялаў. Аўтар больш за 200 навуковых і вучэбна-метадычных прац, у ліку якіх манаграфіі, навучальныя дапаможнікі і падручнікі з грыфам Міністэрства адукацыі Рэспублікі Беларусь, аўтарскія пасведчанні і патэнты на вынаходствы.

Пад навуковым кіраўніцтвам В. В. Садоўскага падрыхтаваны і абаронены 8 кандыдацкіх дысертацый. Ён з’яўляецца навуковым кансультантам 1 доктарскай дысертацыі. Член рэдакцыйнай калегіі выдання «Вестник Витебского государственного технологического университета».

Узнагароды і званні

• Заслужаны работнік вышэйшай школы Расійскай Федэрацыі (1998)
• Ордэн Пашаны (2013)
• Выдатнік адукацыі Рэспублікі Беларусь (2008)
• Ганаровая грамата Міністэрства адукацыі Рэспублікі Беларусь (2009)
• Ганаровая грамата Беларускага рэспубліканскага саюза спажывецкіх таварыстваў (2003)
• Падзяка Прэзідэнта Рэспублікі Беларусь (2018)

Літаратура

• Садовский Виктор Васильевич // Белорусский государственный экономический университет в биографиях преподавателей и выпускников. 75 лет, 1933—2008 (руск.) / [редкол.: В. Н. Шимов (гл. ред.) и др.]. — Мн.: БДЭУ, 2008. — С. 15—16. — 320 с. — (БГЭУ — 75). — 1 000 экз. — ISBN 978-985-484-515-9.

Спасылкі

• Садовский, Виктор Васильевич (доктор технических наук; текстильная промышленность; товароведение; род. 1950) (руск.) // База даных «Вучоныя Беларусі»
• Садовский Виктор Васильевич // Проректора и деканы в истории. Юбилей 90 лет БГЭУ Архівавана 14 снежня 2024. (руск.)
• Персанальная старонка на сайце БДЭУ
• Садовский Виктор Васильевич // Вестник Витебского государственного технологического университета. Члены редакционной коллегии (руск.)
• Преподаватели БГЭУ удостоены Благодарности Президента Беларуси (руск.) // БЕЛТА
• Садоўскі Віктар Васільевіч // Узнагароды Беларусі