Віктар Дзмітрыевіч Даніленка

Вiктар Данiленка
Надзвычайны і Паўнамоцны Пасол Рэспублікі Беларусь у Расійскай Федэрацыі
27 студзеня 1993 — 5 снежня 1997
Прэм’ер-міністр:	Вячаслаў Кебіч, Міхаіл Чыгір, Сяргей Лінг
Прэзідэнт:	–, Аляксандр Лукашэнка
Папярэднік:	пасада заснаваная
Пераемнік:	Уладзімір Грыгор’еў
Міністр сельскага будаўніцтва БССР
1976 — 1980
Прэм’ер-міністр:	Ціхан Кісялёў Аляксандр Аксёнаў
Партыя:	КПСС
Адукацыя:	Беларускі нацыянальны тэхнічны ўніверсітэт
Дзейнасць:	палітык
Нараджэнне:	3 кастрычніка 1936(1936-10-03) в. Петухоўка Чавускага раёна Магілёўскай вобласці
Смерць:	4 мая 2017(2017-05-04) (80 гадоў) Масква, Расія
Пахаванне:	Траякураўскія могілкі
Узнагароды:

Ві́ктар Дзмі́трыевіч Данiле́нка (3 кастрычніка 1936, в. Петухоўка Чавускага раёна Магілёўскай вобласці — 4 мая 2017, Масква) — беларускі дзяржаўны дзеяч і дыпламат.

Біяграфія

Нарадзіўся 3 кастрычніка 1936 года ў в. Петухоўка Чавускага раёна Магілёўскай вобласці.

У 1959—1960 гг. — майстар упраўлення № 56 будаўнічага трэста № 12 Міністэрства будаўніцтва Беларускай ССР у г. Магілёве. У 1960—1965 гг. — кіраўнік брыгады, галоўны інжынер праектаў, кіраўнік сектара, кіраўнік архітэктурна-будаўнічай майстэрні Магілёўскага облпроекта.

У 1965—1966 гг. — начальнік Магілёўскага аддзела трэста «Аргтэхбуд» Міністэрства прамысловага будаўніцтва Беларускай ССР. У 1966—1969 гг. — начальнік будаўнічага ўпраўлення № 53 трэсту «Лаўсанбуд» Міністэрства прамысловага будаўніцтва Беларускай ССР. У 1969—1971 гг. — начальнік упраўлення капітальнага будаўніцтва выканкама Магілёўскага абласнога Савета дэпутатаў працоўных.

У 1971—1975 гг. стаў намеснікам старшыні Магілёўскага аблвыканкама. У 1975—1976 гг. — першы намеснік старшыні Дзяржбуда Беларускай ССР. У 1976—1980 гг. — Міністр сельскага будаўніцтва Беларускай ССР. У 1980—1982 гг. — намеснік, у 1982 г. — першы намеснік, у 1982—1985 гг. — Міністр сельскага будаўніцтва СССР.

У 1985—1990 гг. — Намеснік старшыні Дзяржаграпрама СССР. У 1989—1992 гг. — Пастаянны прадстаўнік Савета Міністраў Беларускай ССР пры Савеце Міністраў СССР.

27 студзеня 1993 года прызначаны паслом Рэспублікі Беларусь у Расійскай Федэрацыі, адстаўлены быў 5 снежня 1997 года.

2 кастрычніка 1996 года быў узнагароджаны ордэнам Францыска Скарыны.

Памёр 4 мая 2017 года ў Маскве. Пахаваны ў Маскве на Траякураўскіх могілках.