Віктар Макаравіч Ільін

Віктар Макаравіч Ільін
Дата нараджэння	31 сакавіка 1930(1930-03-31)
Месца нараджэння	Сялец, Сялецкі сельсавет, Мсціслаўскі раён, Аршанская акруга, БССР, СССР
Дата смерці	22 верасня 2023(2023-09-22) (93 гады)
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	электратэхніка
Месца працы	БНТУ Беларускі дзяржаўны ўніверсітэт інфарматыкі і радыёэлектронікі
Навуковая ступень	кандыдат тэхнічных навук
Альма-матар	БНТУ
Член у	Акадэмія навук СССР
Узнагароды

Ві́ктар Мака́равіч Ільі́н (31 сакавіка 1930, в. Сялец, Мсціслаўскі раён, Магілёўская вобласць — 22 верасня 2023) — беларускі вучоны ў галіне тэарэтычнай і прыкладной электратэхнікі. Ганаровы рэктар Беларускага дзяржаўнага ўніверсітэта інфарматыкі і радыёэлектронікі, кандыдат тэхнічных навук, прафесар кафедры тэарэтычных асноў электратэхнікі БДУІР, акадэмік Міжнароднай акадэміі навук вышэйшай школы, Заслужаны работнік вышэйшай школы БССР.

Біяграфія

У 1953 годзе скончыў Беларускі політэхнічны інстытут (цяпер Беларускі нацыянальны тэхнічны ўніверсітэт). У 1963 годзе абараніў кандыдацкую дысертацыю.

У 1963—1966 гадах працаваў намеснікам дэкана, з сакавіка 1971 года — дэкан энергетычнага факультэта Беларускага політэхнічнага інстытута. З лістапада 1971 года пераведзены на пасаду прарэктара па вучэбнай рабоце Мінскага радыётэхнічнага інстытута (цяпер — Беларускі дзяржаўны ўніверсітэт інфарматыкі і радыёэлектронікі). З лютага 1973 года па чэрвень 2000 года — рэктар Беларускага дзяржаўнага ўніверсітэта інфарматыкі і радыёэлектронікі.

З’яўляўся дэпутатам раённага і гарадскога Саветаў народных дэпутатаў. Аўтар 40 навуковых прац і трох вынаходак.

Навуковая дзейнасць

Аўтар навуковых прац па тэорыі нелінейных электрычных ланцугоў і сістэм. Распрацаваў метад безгістэрэзіснага намагнічвання ферамагнітных матэрыялаў. Аўтар навучальных дапаможнікаў па электратэхніцы для ВНУ.

Узнагароды і прэміі

• Ордэн Айчыны III ступені (1999)
• Ордэн Працоўнага Чырвонага Сцяга
• Медаль «За доблесную працу. У адзначэнне 100-годдзя з дня нараджэння Уладзіміра Ільіча Леніна»
• Медаль «Ветэран працы»
• Медаль «90 гадоў Узброеных Сіл Рэспублікі Беларусь»
• Вялікі сярэбраны медаль ВДНГ СССР
• Дзве Ганаровыя граматы Вярхоўнага Савета БССР
• Ганаровая грамата Савета Міністраў Рэспублікі Беларусь
• Ганаровая грамата Нацыянальнага сходу Рэспублікі Беларусь

Літаратура

• Ільі́н Віктар Макаравіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 199. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Ільін Віктар Макаравіч
• Наталья Писарева Почётный ректор. Судьба Виктора Ильина, без преувеличения, неотделима от истории отечественной науки… (руск.) // СБ. Беларусь сегодня
• Ильин Виктор Макарович // Узнагароды Беларусі