Віктар Фёдаравіч Байцун

Віктар Фёдаравіч Байцун
Дата нараджэння	13 кастрычніка 1941(1941-10-13)
Месца нараджэння	Гогаліў, Браварскі раён, Кіеўская вобласць, УССР, СССР
Дата смерці	29 мая 1994(1994-05-29) (52 гады)
Грамадзянства	Беларусь
Род дзейнасці	скульптар
Жанр	станковая скульптура і партрэт
Вучоба	Адэскае мастацкае вучылішча імя М. Б. Грэкава[d] (1966) Беларускі дзяржаўны тэатральна-мастацкі інстытут (1976)
Уплыў	Андрэй Ануфрыевіч Бембель, Анатоль Аляксандравіч Анікейчык і Генадзь Ільіч Мурамцаў
Член у	Беларускі саюз мастакоў

Віктар Фёдаравіч Байцун (13 кастрычніка 1941, в. Гогалеў, Кіеўская вобласць — 29 мая 1994) — беларускі скульптар, працаваў у жанрах шматфігурнай кампазіцыі і партрэта.

Біяграфія

Нарадзіўся 13 кастрычніка 1941 года ў вёсцы Гогалеў Кіеўскай вобласці. Скончыў Адэскае мастацкае вучылішча імя Мітрафана Грэкава ў 1966 годзе і Беларускі дзяржаўны тэатральна-мастацкі інстытут у 1976 годзе. Вучыўся ў А. Бембеля, А. Анікейчыка, Г. Мурамцава.

Удзельнічаў у мастацкіх выставах з 1967 года. Член Беларускага саюза мастакоў з 1984 года.

Памёр 29 мая 1994 года.

Творчасць

Працаваў у галіне станковай скульптуры, у жанрах шматфігурнай кампазіцыі і партрэта. Сярод асноўных твораў — «Варатар», «Верка», «Курган», «Цыкады», «Маладзік», «Чапаеў», «Пясняр», а таксама партрэты: І. Смаляковай, П. Гараніна, К. Ушынскага, маладога мастака, Т. Завадскай.

Творы захоўваюцца ў Нацыянальным мастацкім музеі Беларусі.

Літаратура

• Байцун Віктар Фёдаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

• Віктар Фёдаравіч Байцун на сайце анлайн-энцыклапедыі «Беларусь у асобах і падзеях»