Вікіпедыя:Праект:Навіны/Архіў
Перайсці да навігацыі
Перайсці да пошуку
- Жанін Аньес, якая раней выконвала абавязкі прэзідэнта Балівіі, прысуджана да 10 гадоў зняволення па абвінавачанні ў дзяржаўным перавароце. (11 чэрвеня)
- Здзейснены тэракт у касцёле ў раёне Ова ў Нігерыі. (5 чэрвеня)
- Польская тэнісістка Іга Свёнтак выйграла фінал Адкрытага чэмпіянату Францыі, атрымаўшы перамогу ў 35-й гульні запар. (4 чэрвеня)
- У Гродне распачаўся XIII Рэспубліканскі фестываль нацыянальных культур. (3 чэрвеня)
- Зборная Фінляндыі выйграла Чэмпіянат свету па хакеі з шайбай. (29 мая)
- Футбольны клуб «Рэал Мадрыд» у 14-ы раз перамог у Лізе чэмпіёнаў УЕФА. (28 мая)
- Галоўную ўзнагароду Канскага кінафестывалю атрымаў фільм «Трыкутнік смутку» рэжысёра Рубена Эстлунда. (28 мая)
- Украінская Праваслаўная Царква прыняла рашэнне аб сваёй поўнай самастойнасці і незалежнасці. (27 мая)
- Здзейснена масавае забойства ў пачатковай школе «Роб» горада Ювалдэ ў ЗША. (24 мая)
- Футбольны клуб «Гомель» атрымаў перамогу ў фінале Кубка Беларусі. (21 мая)
- Фінляндыя і Швецыя падалі афіцыйныя заяўкі на далучэнне да НАТА. (18 мая)
- Фінал конкурса песні Еўрабачанне, перамог прадстаўнік Украіны гурт «Kalush Orchestra» з песняй «Стэфанія»[uk]. (14 мая)
- Каталін Новак прыступіла да абавязкаў Прэзідэнта Венгрыі, стаўшы першай жанчынай на гэтай пасадзе. (10 мая)
- Прэзідэнт ЗША Джо Байдэн падпісаў закон аб ленд-лізе для Украіны. (9 мая)
- Памёр Станіслаў Шушкевіч, беларускі фізік, дзяржаўны дзеяч, першы кіраўнік незалежнай Рэспублікі Беларусь. (3 мая)
- Роні О’Саліван атрымаў перамогу ў фінале Чэмпіянату свету па снукеры і выйграў сёмы найвышэйшы тытул у кар’еры. (2 мая)
- Сонечнае зацьменне ў Паўднёвай Амерыцы, на частцы акваторыі Ціхага і Атлантычнага акіянаў і ўзбярэжжы Антарктыды. (30 красавіка)
- На прэзідэнцкіх выбарах у Францыі перамогу атрымаў дзеючы кіраўнік краіны Эманюэль Макрон. (24 красавіка)
- Футбольны клуб «Баварыя Мюнхен» стаў чэмпіёнам нямецкай Бундэслігі ў дзясяты раз запар. (23 красавіка)
- Памёр Анатоль Вярцінскі, беларускі паэт, драматург, публіцыст, дзяржаўны дзеяч. (21 красавіка)
- На поўначы Ірака пачалася ваенная аперацыя УС Турцыі супраць Рабочай партыі Курдыстана. (17 красавіка)
- Затануў флагманскі карабель Чарнаморскага флоту Расіі ракетны крэйсер «Масква». (14 красавіка)
- Прэм’ер-міністр Пакістана Імран Хан адхілены ад пасады. (10 красавіка)
- Легендарны англійскі рок-гурт «Pink Floyd» выпусціў сінгл «Hey, Hey, Rise Up!»(англ.) бел. у падтрымку ўкраінскага народа. (8 красавіка)
- Генеральная Асамблея ААН прыняла рэзалюцыю аб прыпыненні членства Расіі ў Савеце па правах чалавека. (7 красавіка)
- Дзеючы кіраўнік дзяржавы Аляксандр Вучыч атрымаў перамогу на прэзідэнцкіх выбарах у Сербіі. (3 красавіка)
- Адбылася 94-я цырымонія ўручэння ўзнагарод кінапрэміі «Оскар», найлепшым фільмам названы «CODA: Дзіця глухіх бацькоў». (27 сакавіка)
- На з’ездзе Саюза пісьменнікаў Беларусі старшынёй арганізацыі абраны Аляксандр Карлюкевіч. (22 сакавіка)
- Шведскі лёгкаатлет Арман Дзюпланціс усталяваў рэкорд свету ў скачках з шастом, узяўшы вышыню 6 м 20 см. (20 сакавіка)
- Сердар Бердымухамедаў заступіў на пасаду Прэзідэнта Туркменістана, змяніўшы свайго бацьку. (19 сакавіка)
- Стартаваў сезон Вышэйшай лігі чэмпіянату Беларусі па футболе. (18 сакавіка)
- Адкрыты мост Дарданэлы (на фота) у Турцыі, які стаў самым доўгім вісячым мостам у свеце. (18 сакавіка)
- Камітэт міністраў Савета Еўропы прыняў рашэнне аб спыненні паўнамоцтваў Расіі ў арганізацыі. (16 сакавіка)
- КВІР Ірана здзейсніў ракетны абстрэл горада Эрбіль у Іракскім Курдыстане. (13 сакавіка)
- Габрыэль Борыч заступіў на пасаду Прэзідэнта Чылі і стаў наймаладзейшым кіраўніком у гісторыі краіны. (11 сакавіка)
- Адбыўся матч за Суперкубак Беларусі па футболе 2022, перамогу атрымаў БАТЭ з Барысава. (5 сакавіка)
- Еўрапейскі парламент падтрымаў рэзалюцыю аб прадастаўленні Украіне статуса краіны-кандыдата на ўступленне ў Еўрапейскі Саюз. (1 сакавіка)
- Асноўны дзень галасавання на рэферэндуме ў Беларусі, антываенныя пратэсты і масавыя затрыманні. (27 лютага)
- Расія пры падтрымцы Беларусі пачала ваеннае ўварванне ва Украіну. (24 лютага)
- Прэзідэнт Расіі Уладзімір Пуцін падпісаў указы аб прызнанні самаабвешчаных на ўсходзе Украіны ДНР і ЛНР і дагаворы з імі. (21 лютага)
- У Пекіне ўрачыста закрыліся XXIV зімовыя Алімпійскія гульні. (20 лютага)
- Лаўрэатам літаратурнай прэміі імя Міхася Стральцова названа беларуская паэтэса Антаніна Хатэнка. (14 лютага)
- Зборная Сенегала ў фінале Кубка афрыканскіх нацый(англ.) бел. па футболе ў Яундэ (Камерун) перамагла зборную Егіпта і ўпершыню выйграла трафей. (6 лютага)
- У Пекіне ўрачыста адкрыліся XXIV зімовыя Алімпійскія гульні. (4 лютага)
- Падчас аперацыі амерыканскіх вайскоўцаў на паўночным захадзе Сірыі забіты лідар «Ісламскай дзяржавы» Абу Ібрагім аль-Хашымі аль-Курашы. (3 лютага)
- Іспанец Рафаэль Надаль выйграў Адкрыты чэмпіянат Аўстраліі па тэнісе, атрымаўшы дваццаць першы тытул на турнірах Вялікага шлема. (30 студзеня)
- Серджа Матарэла пераабраны на пасаду Прэзідэнта Італіі. (29 студзеня)
- Узброенымі сіламі Буркіна-Фасо здзейснены ваенны пераварот, затрыманы прэзідэнт краіны Рок Кабарэ. (24 студзеня)
- Бельгійка Зара Рутэрфорд стала самай маладой жанчынай-пілотам, якая ажыццявіла адзіночны кругасветны пералёт. (20 студзеня)
- Мальтыйская палітык Раберта Мецола абрана старшынёй Еўрапарламента. (18 студзеня)
- Польскі нападнік Роберт Левандоўскі прызнаны найлепшым футбалістам свету паводле версіі ФІФА. (17 студзеня)
- Здзейснена кібератака на сайты дзяржаўных устаноў Украіны. (14 студзеня)
- Ралі-рэйд «Дакар-2022» фінішавала ў Джыдзе (Саудаўская Аравія). (14 студзеня)
- Абрынулася частка пуцеправода па праспекце Пераможцаў у Мінску, наступнымі днямі пачаўся дэмантаж канструкцый. (8 студзеня)
- Прэзідэнт Казахстана Касым-Жамарт Такаеў у сувязі з масавымі пратэстамі змяніў Нурсултана Назарбаева на пасадзе старшыні Савета бяспекі, у краіну былі ўведзены сілы АДКБ. (5-6 студзеня)
- Пяць ядзерных дзяржаў падпісалі сумесную заяву аб прадухіленні ядзернай вайны і недапушчэнні гонкі ўзбраенняў. (3 студзеня)
- Памёр Адам Мальдзіс, беларускі літаратуразнавец, пісьменнік і публіцыст, доктар філалагічных навук. (3 студзеня)
- У Саудаўскай Аравіі стартавала ралі-рэйд «Дакар-2022». (1 студзеня)