Вікіпедыя:Што такое свабодная энцыклапедыя

З пляцоўкі Вікіпедыя
Перайсці да навігацыі Перайсці да пошуку

Вікіпедыя (англ.: Wikipedia) — гэта шматмоўная адкрытая свабодная электронная энцыклапедыя, якую можа правіць кожны. Апошныя тры словы фактычна з’яўляюцца дэвізам Вікіпедыі, і іх можна ўбачыць на галоўнай старонцы праекта.

Назва ўтвораная са слоў вікі і энцыклапедыя.

З часу свайго стварэння ў 2001 годзе Вікіпедыя хутка стала адным з найбольшых сайтаў у Інтэрнэце. Змест Вікіпедыі з’яўляецца вольным і пішацца людзьмі з усяго свету. Шмат асоб пастаянна паляпшаюць Вікіпедыю, і ўсе гэтыя змяненні запісваюцца ў гісторыях правак артыкулаў і ў спісах нядаўніх змяненняў. Непрыймальныя змяненні звычайна хутка выкідаюцца, а шматразовыя парушальнікі могуць атрымаць забарону працы з Вікіпедыяй.

Сайт базуецца на тэхналогіі вікі — гэта азначае, што для таго, каб рэдагаваць, карэктаваць ці ўдасканальваць звесткі ў гэтай экцыклапедыі, патрэбнае толькі падключэнне да Інтэрнэту. Проста націснуўшы на спасылку «Правіць», якая прысутнічае ўверсе кожнага артыкула (за невялікім выняткам абароненых артыкулаў), можна дапоўніць ці адкарэктаваць гэты артыкул. Таксама вы можаце стварыць новы артыкул, калі яго яшчэ няма ў Вікіпедыі. Ствараць, рэдагаваць ці паляпшаць артыкулы вы можаце ўжо зараз. Для гэтага не трэба нават рэгістравацца!

Мэтай Вікіпедыі з’яўляецца стварэнне поўнай экцыклапедыі на ўсіх мовах свету. І гэтая мэта не абмежавана якой-небудзь колькасцю артыкулаў!

Але калі ласка, не размяшчайце ў Вікіпедыі тэкстаў і выяў, абароненых аўтарскім правам, артыкулы ў Вікіпедыі мусяць быць нейтральнымі, а калі вы пішаце артыкул па спрэчным пытанні, паспрабуйце таксама змясціць у ім усе вядомыя вам пункты погляду.

Вы можаце азнаёміцца з памяткай па рэдагаванні або поўным варыянтам дапамогі, паспрабаваць што-небудзь напісаць у Пясочніцы. Калі ў вас ёсць пытанне ці прапанова, вы можаце звярнуцца на Форум.

Гл. таксама[правіць зыходнік]