Віленскія беларускія настаўніцкія курсы (1919)

З пляцоўкі Вікіпедыя
Jump to navigation Jump to search

Віленскія беларускія настаўніцкія курсы (другія) створаны ў Вільні культурна-асветным аддзелам Цэнтральнай беларускай рады Віленшчыны і Гродзеншчыны.

Фінансаваліся польскімі ўладамі. Выкладчыкі: Я. Станкевіч (загадчык курсаў), М. Гарэцкі, К. Душэўскі, Ф. Ждановіч, М. Кахановіч, М. Мараўская, В. Ластоўскі, Н. Ласковіч. Выкладалася беларуская мова, а таксама польская мова, гісторыя і геаграфія Польшчы, псіхалогія, асновы кааперацыі і тэатральнага мастацтва. Складаліся з двух патокаў па 6 тыдняў. 1-ы паток (16.7—1.9.1919) скончылі 154 чал., з іх большасць складалі беларускія настаўнікі з Гродзеншчыны. 2-і паток (22.9—1.11.1919) скончылі каля 70 чал. На курсах навучаліся І. Бялькевіч, Л. Дзекуць-Малей, А. Карабач, У. Казлоўскі, А. Клімовіч, В. Маслоўская, В. Матэйчук, А. Парук, Б. Туронак і інш.

Гл. таксама Віленскія беларускія настаўніцкія курсы (1915)

Літаратура[правіць | правіць зыходнік]

  • Ляхоўскі У. Пачатак тварэння беларускае нацыянальнае школы // Спадчына. 2001. №1/2.
  • Ляхоўскі У. Беларускія настаўніцкія курсы // ЭГБ, т.6, кн. ІІ. - Мн., 2003.