Віленскі музей старажытнасцей

З пляцоўкі Вікіпедыя
Перайсці да: рух, знайсці
Нацыянальны музей Літвы
Vilnius - New Arsenal 01.jpg
Заснаваны

1952

Месцазнаходжанне

Вільнюс, Arsenalo g. 1

Дырэктар

Birutė Kulnytė

Віленскі музей старажытнасцей — заснаваны ў 1855 г. Я. П. Тышкевічам, у будынку бібліятэкі Віленскага ўніверітэту.

Апісанне[правіць | правіць зыходнік]

Свае прыватныя калекцыі музею перадалі Я. П. і К. П. Тышкевічы, У. Сыракомля, А. Кіркор, Т. Нарбут, М. І. Балінскі, Ф. Багушэвіч, І. Р. Кулакоўскі, А. А. Плятэр і інш. Музей існаваў з перапынкамі да 1-й сусветнай вайны. Меліся аддзелы: археалогіі, этнаграфіі, мастацтва, зброі, мінералогіі, арніталогіі. Пры музеі дзейнічала Віленская археалагічная камісія (1855—1865).

У кан. XIX ст. у фондах музея больш за 12 тыс. экспанатаў, у т.л. вялікія калекцыі бронзавых вырабаў з розных краін, гербаў гарадоў ВКЛ, графікі, егіпецкіх муміяў і статуэтак бостваў, зброі, карэліцкіх габеленаў, мясцовых археалагічных знаходак, нумізматычная, партрэтаў магнацкіх родаў (Радзівілаў, Тышкевічаў, Хадкевічаў, Храптовічаў, Сапегаў), рэдкіх выданняў XV—XVIII ст., скульптуры, слуцкіх паясоў, старажытных рукапісаў (грамат XII—XIV ст., інкунабул), сфрагістычная, фарфору, этрускіх вазаў, японскіх, італьянскіх і кітайскіх тканін. Таксама ў фондах знаходзіліся каменныя ідалы са Слуцку, старажытныя рэчы з Каложскай царквы і інш.

Сучасны лёс экспанатаў[правіць | правіць зыходнік]

Цяпер большасць экспанатаў зберагаецца у Гістарычным музеі ў Маскве, гісторыка-этнаграфічным музеі Літвы, Народным музеі ў Варшаве.

Спасылкі[правіць | правіць зыходнік]