Віталь Антонавіч Таўкачоў

Віталь Антонавіч Таўкачоў
Дата нараджэння	28 чэрвеня 1934(1934-06-28) (89 гадоў)
Месца нараджэння	Скірмантава, Беларусь
Грамадзянства	СССР  Беларусь
Род дзейнасці	фізік
Навуковая сфера	Фізіка, оптыка
Месца працы	Інстытут фізікі АН Беларусі, Інстытут малекулярнай і атамнай фізікі АН Беларусі
Навуковая ступень	доктар фізіка-матэматычных навук
Альма-матар	БДУ
Навуковы кіраўнік	М. А. Барысевіч
Прэміі

Віталь Антонавіч Таўкачоў (28 чэрвеня 1934, в. Скірмантава, Дзяржынскі нацыянальны польскі раён, БССР) — фізік. Акадэмік НАН Беларусі (2000, член-карэспандэнт 1984). Доктар фізіка-матэматычных навук (1980), прафесар (1990).

Біяграфічныя звесткі

Закончыў БДУ (1957). З 1957 г. у Інстытуце фізікі, з 1984 загадчык лабараторыі. У 1992—2007 загадчык лабараторыі Інстытута малекулярнай і атамнай фізікі Нацыянальнай акадэміі навук Беларусі. Адначасова ў 1992—1996 намеснік дырэктара Навукова-тэхнічнага цэнтра Дзяржзнака, з 2002 намеснік акадэміка-сакратара Аддзялення фізікі, матэматыкі і інфарматыкі Нацыянальнай акадэміі навук Беларусі. З 2008 галоўны навуковы супрацоўнік Інстытута фізікі імя Б. І. Сцяпанава Нацыянальнай акадэміі навук Беларусі.

Лаўрэат Ленінскай прэміі (1980) і Дзяржаўнай прэміі Рэспублікі Беларусь (1998, у сааўтарстве) — за цыкл прац «Дынаміка вярчальнага руху электронна-узбуджаных шмататамных малекул у газавай фазе».

Навуковая дзейнасць

Распрацаваў тэорыю статыстычнага фарміравання фотафізічных характарыстык свабодных складаных малекул і прапанаваў метады іх эксперыментальнага вывучэння. Стварыў лазер на электронных пераходах свабодных складаных малекул. Выявіў і даследаваў палярызацыю стымуляванага выпрамянення і палярызаванай флюарэсцэнцыі арыентацыйна анізатропнай пары складаных малекул. Устанавіў механізм дынамікі малекулярнага вярчальнага рэха ў мнагаатамных малекул.

Літаратура

• Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
• Таўкачоў Віталь Антонавіч // Памяць: Гіст.-дакум. хроніка Дзяржынскага р-на. — Мн.: БелТА, 2004. — С. 610. — 704 c.: іл. — ISBN 985-6302-64-1.

Спасылкі

• Акадэмік ТАЛКАЧОЎ Віталій Антонавіч: Даведка на сайце НАН Беларусі
• Віталь Антонавіч Таўкачоў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Таўкачоў Віталь Антонавіч на сайце анлайн-энцыклапедыі «Беларусь у асобах і падзеях»