Віталь Кажан
Віталь Кажан | |
---|---|
Род дзейнасці | ваенны |
Дата нараджэння | 9 кастрычніка 1916 |
Месца нараджэння | |
Дата смерці | 17 студзеня 2004 (87 гадоў) |
Месца смерці | |
Месца працы | |
Член у |
Віталь Кажан (9 кастрычніка 1916, в. Балбекі, Дзісенскі павет, Віленская губерня, уяпер Шаркаўшчынскі раён — 17 студзеня 2004, Стамфард, ЗША) — беларускі вайсковы і грамадскі дзеяч.
Біяграфія
[правіць | правіць зыходнік]Скончыў польскую гімназію ў Дзісне, вучыўся ў афіцэрскай школе. Ад 1939 г. працаваў настаўнікам. У жніўні 1942 г. скончыў першыя курсы афіцэраў у Мінску. Працаваў у БКС у Глыбокім, ад сакавіка 1943 г. быў загадчыкам беларускай канцылярыі пры нямецкай установе ў Вілейцы. З 1944 года ў эміграцыі. У Берліне займаўся шкаленнем беларускіх афіцэраў. Ад лістапада 1944 г. быў ад’ютантам Ф. Кушаля. Пасля капітуляцыі Германіі служыў у паліцыі лагераў DP . З 1948 г. адміністратар газеты «Бацькаўшчына», сакратар Беларускага нацыянальнага камітэта на Амерыканскую зону акупацыі Германіі. З 1949 года ў лагеры ў Розенгайме працаваў бухгалтарам і выкладаў нямецкую і англійскую мовы ў беларускай школе.
У 1950 г. прыехаў у ЗША. Спачатку жыў у Нью-Ёрку, потым перабраўся ў Стамфард, штат Канектыкут. Сябра БАЗА, сакратар Стэмфардскага аддзела арганізацыі. Быў скарбнікам Рады БНР. У 1970-х гг. — старшыня Беларуска-амерыканскага клуба ў Канектыкуце. Уваходзіў у кіраўніцтва Фундацыі імя П. Крэчэўскага.
Літаратура
[правіць | правіць зыходнік]- Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.
- Асобы
- Нарадзіліся 9 кастрычніка
- Нарадзіліся ў 1916 годзе
- Нарадзіліся ў Дзісенскім павеце
- Нарадзіліся ў Шаркаўшчынскім раёне
- Памерлі 17 студзеня
- Памерлі ў 2004 годзе
- Памерлі ў Стамфардзе (Канектыкут)
- Члены Рады Беларускай Народнай Рэспублікі
- Ваенныя Беларусі
- Грамадскія дзеячы Беларусі
- Постаці беларускай эміграцыі