Віцім (бронеаўтамабіль)

Віцім
Краіна паходжання	Беларусь
Вытворца	Мінатор-Сэрвіс
Даўжыня	5 300 міліметр
Шырыня	2 400 міліметр
Вышыня	2 200 міліметр
Ride height	430 міліметр
Медыяфайлы на Вікісховішчы

«Віцім» (4-колавы варыянт) з дыстанцыйным агнявым комплексам «АДУНОК» на выставе Milex-2019.

6-колавы «Віцім» з дыстанцыйным лёгкім баявым модулем.

Віцім — беларускі шматмэтавы плавальны бронеаўтамабіль, распрацаваны і вырабляны кампаніяй «Мінатор-Сэрвіс». Прадстаўлены 4-колавая і 6-колавая мадыфікацыі. Прызначаны для вядзення разведкі і суправаджэння калон, а пры ўсталёўцы дадатковага ўзбраення можа выкарыстоўвацца ў якасці штурмавой бронемашыны.

Гісторыя

Аўтамабіль быў распрацаваны ў ініцыятыўным парадку за кошт сродкаў прадпрыемства. Першы 4-колавы выраб быў прадстаўлены публіцы ў 2016 годзе на ваенна-тэхнічным форуме «Армія-2016».

Канструкцыя

Бронеаўтамабіль паўнапрывадны. Вага — 6 тон, грузападымальнасць — 1 тона. Рухавік ЯМЗ з турбанаддувам аб’ёмам 4,4 л магутнасцю 215 к. с. (158 кВт). Механічная 5-ступеністая каробка перадач распрацавана на прадпрыемстве. Кіраванне аўтамабілем ажыццяўляецца праз лічбавыя сістэмы, але з аналагавым дубляваннем.

Корпус аўтамабіля браніраваны і вытрымлівае трапленне кулі калібра 7,62 мм на дыстанцыі 10 метраў па перыметры, падрыў ручной гранаты ці выбуховага прыстасавання да 0,5 кг трацілу пад дном. Шкло таксама бранявана, у шынах выкарыстоўваецца сістэма падпампоўкі.

Варыянты

Прадстаўлена таксама 6-колавая паўнапрывадная мадыфікацыя Віцім-668240 грузавога прызначэння (даўжыня 6440 мм, грузападымальнасць 3500 кг).