Вольга Фёдараўна Нячай

Вольга Фёдараўна Нячай
Дата нараджэння	4 сакавіка 1936(1936-03-04)
Месца нараджэння	Растоў-на-Доне, Азова-Чарнаморскі край, РСФСР, СССР
Дата смерці	2 чэрвеня 2010(2010-06-02) (74 гады)
Грамадзянства	СССР  Беларусь
Бацька	Фёдар Макаравіч Нячай
Род дзейнасці	кіназнавец
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларускі дзяржаўны ўніверсітэт культуры і мастацтваў
Навуковая ступень	доктар мастацтвазнаўства (1986)
Альма-матар	БДУ (1958)
Член у	Беларускі саюз кінематаграфістаў Беларускі саюз літаратурна-мастацкіх крытыкаў

Вольга Фёдараўна Няча́й (нар. 4 сакавіка 1936, г. Растоў-на-Доне, РСФСР — 2 чэрвеня 2010) — беларускі кіназнавец і кінакрытык. Доктар мастацтвазнаўства (1986).

Біяграфія

Дачка беларускага гісторыка Фёдара Макаравіча Нячая. Скончыла ў 1958 годзе БДУ. 3 1958 года ў Інстытуце мастацтвазнаўства, этнаграфіі і фальклору Нацыянальнай АН Беларусі, адначасова з 1980 выкладае ў Беларускім універсітэце культуры.

Член Беларускага саюза кінематаграфістаў з 1969 года, член Беларускага саюза літаратурна-мастацкіх крытыкаў з 1997 года.

Навуковая дзейнасць

Даследуе гісторыю і тэорыю экраннага мастацтва (кіно і тэлебачання) у сістэме культуры і масавых камунікацый, праблемы кінаадукацыі. Беларускае кіно разглядае з пазіцый культурнай антрапалогіі («Біякультурная адаптацыя ў постчарнобыльскі перыяд (на прыкладзе кінамастацтва)», 1998—1999).

Адна з аўтараў «Гісторыі беларускага кіно» (1969—1970), зборнікаў «Кіно Савецкай Беларусі» (1975), «Сучаснае беларускае кіно» (1985), «Панарама беларускага кіно апошніх гадоў», «Беларускае сучаснае мастацтвазнаўства і крытыка» (абодва 1998), «Экран і культура: (Беларускае дакументальнае кіно і культура Беларусі)» (1999).

Творы

• Экран и мы. — Мн., 1971;
• Фильм у нас дома. — Мн., 1974;
• Становление художественного телефильма. — Мн., 1976;
• Большой мир малого экрана. — Мн., 1979;
• Телевидение как художественная система. — Мн., 1981;
• Блеск и нищета «массовой культуры». — Мн., 1984;
• Основы киноискусства. — М., 1989;
• Ракурсы: О телевизион. коммуникации и эстетике. — М., 1990.

Літаратура

• Гаробчанка Т. Я. Нячай Вольга Фёдараўна // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Кино: Энциклопедический словарь. / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — М.: Советская энциклопедия, 1987. (руск.)