Вітольд Феліксавіч Грачынскі

Вітольд Феліксавіч Грачынскі
Дата нараджэння	30 красавіка 1922(1922-04-30)
Месца нараджэння	Масква, Маскоўская губерня, РСФСР
Дата смерці	16 красавіка 1993(1993-04-16) (70 гадоў)
Месца смерці	Гродна, Гродзенская вобласць, Беларусь
Грамадзянства	СССР  Беларусь
Адукацыя	Варонежскае тэатральнае вучылішча[d] (1942)
Прафесія	акцёр
Тэатр	Брэсцкі акадэмічны тэатр драмы імя Ленінскага камсамола Беларусі Гродзенскі абласны драматычны тэатр
Член у	БСТД
Узнагароды

Вітольд Феліксавіч Грачы́нскі (30 красавіка 1922, Масква — 16 красавіка 1993, Гродна) — рускі і беларускі акцёр. Заслужаны артыст Беларускай ССР (1964).

Біяграфія

Скончыў Варонежскае тэатральнае вучылішча ў 1942 годзе. У гады Вялікай Айчыннай вайны выступаў у армейскіх ансамблях. Пасля дэмабілізацыі працаваў у тэатрах Варонежа і Нальчыка. У 1950—1954 гадах у Брэсцкім абласным драматычным тэатры імя ЛКСМБ, у 1955—1956 і 1958—1982 гадах у Гродзенскім абласным драматычным тэатры.

Член Беларускага саюза тэатральных дзеячаў з 1950 года.

Творчасць

Выконваў характарныя і камедыйныя ролі, у якіх дакладная псіхалагічная характарыстыка спалучалася з яркай тэатральнай формай: Мошкін («Выбачайце, калі ласка!» А. Макаёнка), Савіч («Сэрца на далоні» паводле І. Шамякіна), Альховік, Іахім («Трывога» і «Францыск Скарына» А. Петрашкевіча), Тузенбах («Тры сястры» А. Чэхава), Андрэй («У добры час!» В. Розава), О’Крэдзі («Дыпламат» С. Алёшына), Радзівон Мікалаевіч, Баляснікаў («Старамодная камедыя», «Казкі старога Арбата» А. Арбузава), Платон Ангел («Дзікі Ангел» А. Каламійца) і інш.

Літаратура

• Грачынскі Вітольд Феліксавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).