Васіль Фёдаравіч Гусеў
| Васіль Фёдаравіч Гусеў | |
|---|---|
| Дата нараджэння | 11 студзеня 1927 |
| Месца нараджэння | |
| Дата смерці | 1 лютага 1991 (64 гады) |
| Грамадзянства | |
| Прафесія | акцёр |
| Тэатр | |
| Член у | |
| Узнагароды |
 |
Васіль Фёдаравіч Гу́сеў (11 студзеня 1927, в. Зарэчча, Валагодская вобласць, РСФСР — 1 лютага 1991) — рускі і беларускі акцёр. Заслужаны артыст Беларускай ССР (1977).
Біяграфія[правіць | правіць зыходнік]
Скончыў тэатральную студыю пры Валагодскім драматычным тэатры ў 1944 годзе. Працаваў у Волагдзе, Уральску, Каменец-Падольску, Даўгаўпілсе. З 1963 года ў Магілёўскім абласным драматычным тэатры.
Член Беларускага саюза тэатральных дзеячаў з 1959 года.
Творчасць[правіць | правіць зыходнік]
Яго майстэрства вызначалася ўменнем спасцігаць сутнасць вобраза і псіхалагічна матываваць яго дзеянні, знаходзіць нечаканыя вонкавыя рысы, уласцівыя персанажу. Выконваў драматычныя і камедыйныя ролі. Сярод іх: палкоўнік Кусонскі («Галоўная стаўка» К. Губарэвіча), Шахматаў («Аперацыя «Мнагажэнец»» А. Дзялендзіка), Дасцігаеў («Дасцігаеў і іншыя» М. Горкага), Крогстад («Нора» Г. Ібсена), Акаёмаў («Машачка» А. Афінагенава), маркіз Фарліпопалі («Гаспадыня гасцініцы» К. Гальдоні), Дон Луіс («Дон Жуан» Мальера) і інш.
Літаратура[правіць | правіць зыходнік]
- Гусеў Васіль Фёдаравіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
