Гадэскальк (герцаг Беневента)

З пляцоўкі Вікіпедыя
Jump to navigation Jump to search
Гадэскальк (Готшальк)
лац.: Godescalc, Gottschalk, Gotteschalchus,
італ.: Godescalco
Гадэскальк (Готшальк)
Солід Гадэскалька
Герцаг Беневента
740 — 743
Папярэднік: Грыгорый
Пераемнік: Гізульф II
 
Дзейнасць: арыстакрат
Смерць: 743
Жонка: Ганна

Гадэскальк (Готшальк) (лац.: Godescalc, Gottschalk, Gotteschalchus, італ.: Godescalco, забіты ў 743) — герцаг Беневента (740—743).

Біяграфія[правіць | правіць зыходнік]

Пра герцага Беневента Гадэскалька вядома вельмі мала. Галоўная прычына гэтага — недастатковае асвятленне раннесярэдневяковай гісторыі Беневента ў крыніцах.

Гадэскальк стаў герцагам Беневента ў 740 годзе, пасля смерці свайго папярэдніка Грыгорыя, відаць, без ухвалення караля лангабардаў Ліўтпранда. Стаўшы герцагам, ён, скарыстаўшыся смутай, якая панавала ў Італіі, і абурэннем спалецкага герцага Тразімунда II, а таксама заручыўшыся падтрымкай папы Грыгорыя III, паспрабаваў аддзяліцца ад каралеўства лангабардаў.

Жадаючы пакараць непакорлівых васалаў, Ліўтпранд у 742 годзе рушыў са сваёй арміяй на поўдзень. Спачатку ён увайшоў у Спалета, пазбавіў герцага Тразімунда ўлады і адправіў яго ў манастыр. Затым Ліўтпранд спешна рушыў на Беневента. Гадэскальк, даведаўшыся пра яго набліжэнне, зрабіў спробу пагрузіцца на карабель і адплысці ў Грэцыю. Пасля таго, як ён пагрузіў на судна сваю жонку Ганну і ўсю свая маёмасць і хацеў ужо сам узысці на борт карабля апошнім, на яго раптам напалі жыхары Беневента, якія былі прыхільнікамі Гізульфа, і забілі яго. Яго жонка з маёмасцю дабралася да Канстанцінопаля.

Паводле «Гісторыі лангабардаў» Паўла Дыякана, Гадэскальк быў герцагам Беневента на працягу трох гадоў[1]. Пасля смерці Гадэскалька Ліўтпранд прызначыў герцагам Гізульфа II, які, відаць, да таго часу ўжо дасягнуў паўналецця.

Зноскі

  1. Павел Дыякан. «Гісторыя лангабардаў» VI, 56—57.

Літаратура[правіць | правіць зыходнік]

Спасылкі[правіць | правіць зыходнік]

  • SOUTHERN ITALY (англ.) . Foundation for Medieval Genealogy. Архівавана з першакрыніцы 28 сакавіка 2012. Праверана 16 лістапада 2011.