Гальян звычайны

З пляцоўкі Вікіпедыя
Перайсці да: рух, знайсці
Гальян звычайны
Vairon WIKI800px.JPG
Навуковая класіфікацыя
Міжнародная навуковая назва

Phoxinus phoxinus Linnaeus, 1758

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   163596
NCBI   58324
EOL   204013

Галья́н звычайны (Phoxinus phoxinus) — рыба сямейства карпавых. Народныя назвы: красаўка, гаркуша, маляўка, скамарох, залатаўка, крумела, фарэлька і інш.

Апісанне[правіць | правіць зыходнік]

Даўжыня 6—8, часам да 10 см. Цела падоўжанае, верацёнападобнае. Рот канцавы. Усе плаўнікі, за выключэннем хваставога, закругленыя. Афарбоўка зеленаватая, бакі залацістыя, брушка серабрыстае. Удоўж спіны цёмная паласа і мностна папярочных цёмных палосак на баках. Плаўнікі жаўтаватыя, зрэдку чырванаватыя (у час нерасту самцы стракатыя). Афарбоўка рыбы залежыць ад умоў існавання.

Пашырэнне[правіць | правіць зыходнік]

Пашыраны ў Еўропе і Паўночнай Азіі. На Беларусі водзіцца ў рэках басейна Дняпра, Заходняй Дзвіны, Нёмана, Буга; найбольш у вярхоўях рэк з чыстай вадой і пясчаным, камяпістым дном, зяходзіць у затокі, старыцы, поймавыя азёры з халоднай крынічнай вадою.

Асаблівасці біялогіі[правіць | правіць зыходнік]

Чародная рыба, летам трапляецца на камяністых перакатах, зімою зарынаецца ў глей, залазіць пад карані раслін. Корміцца водарасцямі, дробнымі планктоннымі арганізмамі, насякомымі і іх лічынкамі.

Полавая спеласць у 2 гады. Нераст парцыённы, пачынаецца пры тэмпературы вады 7—10 °С (у канцы красавіка—чэрвені). Ікру адкладвае на камяністых перакатах пад камяні. Плоднасць 0,7— 1 тыс. ікрынак.

Літаратура[правіць | правіць зыходнік]

  • Шаўцова Т. Гальян звычайны // Энцыклапедыя прыроды Беларусі. У 5 т. Т. 1. — Мн.: БелСЭ, 1983.