Ганадэрма бліскучая

З Вікіпедыі, свабоднай энцыклапедыі
Ганадэрма бліскучая
Навуковая класіфікацыя
Міжнародная навуковая назва

Ganoderma lucidum (Curtis) P.Karst., 1881


Сістэматыка
на Віківідах

Выявы
на Вікісховішчы
NCBI  5315
EOL  1030204
MB  148413

Ганадэрма бліскучая або лакіраваная губа (Ganoderma lucidum) — губавы базідыяльны грыб з парадку паліпоравых.

Апісанне[правіць | правіць зыходнік]

Пладовыя целы аднагадовыя, радзей 2-3-гадовыя, паўкруглыя, памерам 3-8 X 10-25 X 2-3 см, з бакавой цыліндрычнай ножкай даўжынёй 5-10 см. Паверхня шапкі і ножкі пакрыта каштанава-бурай бліскучай скарынкай. Тканка пладовага цела губчата-коркавая. Паверхня гіменафора тытунёвага колеру, поры дробныя, круглявыя. Гіфы са спражкамі. Споры яйцападобныя, жаўтлявыя, памерам 7-13 X 6-8 мкм.

Пашырэнне[правіць | правіць зыходнік]

Пашырэнне: Еўропа, Азія, Паўночная Афрыка і Паўночная Амерыка; магчыма, касмапаліт. На Беларусі знойдзены адзінкавыя экзэмпляры.

Сустракаецца ў мяшаных лясах на адмерлай драўніне клёну, вольхі, бярозы, таполі, дуба, елкі.

Асаблівасці біялогіі[правіць | правіць зыходнік]

Выклікае белую гніль, якая паволі развіваецца і праяўляецца ў абясколерванні драўніны. Пладовыя целы ўтвараюцца ў ліпені — кастрычніку.

Выкарыстанне[правіць | правіць зыходнік]

Дэкаратыўны і лекавы від.

Ахова[правіць | правіць зыходнік]

Уключаны ў Чырвоную кнігу Беларусі, ахоўваецца ў Польшчы і Літве.

Спасылкі[правіць | правіць зыходнік]

Венерын чаравічак Гэты від занесены ў Чырвоную кнігу Беларусі і ахоўваецца законам.
III катэгорыя (VU)