Ганна Канапацкая
| Ганна Анатолеўна Канапацкая | ||
 | ||
| ||
|---|---|---|
| Прэм’ер-міністр | Андрэй Кабякоў Сяргей Румас | |
| Прэзідэнт | Аляксандр Лукашэнка | |
| Партыя | ||
| Адукацыя | ||
| Дзейнасць | юрыст, палітык | |
| Нараджэнне | 29 кастрычніка 1976[1] (44 гады) | |
Га́нна Анато́леўна Канапа́цкая (нар. 29 кастрычніка 1976) — беларуская палітычная дзяячка. Дэпутатка Палаты прадстаўнікоў Нацыянальнага сходу Рэспублікі Беларусь 6-га склікання.
Біяграфія[правіць | правіць зыходнік]
Нарадзілася 29 кастрычніка 1976 г. Скончыла мінскую школу № 55, пазней юрыдычны факультэт Беларускага дзяржаўнага ўніверсітэта. Да ўступлення на пасаду дэпутаткі была дырэктаркай ТАА «Грынрэй», якое аказвае юрыдычныя паслугі[2][3].
Сябра Аб’яднанай грамадзянскай партыі. На Парламенцкіх выбарах 2016 г. абраная дэпутаткай Палаты прадстаўнікоў па Кастрычніцкай выбарчай акрузе горада Мінска.
Аднапартыйцы засталіся незадаволеныя дзейнасцю дэпутаткі. Дэлегаты з’езда Аб’яднанай грамадзянскай партыі ў верасні 2019 года прынялі рашэнне адмовіць Ганне Канапацкай у паўторным вылучэнні кандыдатам у дэпутаты на выбарах у Палату прадстаўнікоў. Тая на знак пратэсту заявіла аб прыпыненні членства ў партыі[4]. На выбарах Ганна Канапацкая вылучалася праз збор подпісаў, але яе не зарэгістравалі ў якасці кандыдата ў дэпутаты.
12 мая 2020 года Ганна Канапацкая высунулася ў кандыдаты на пасаду прэзідэнта Рэспублікі Беларусь. 20 мая зарэгістравала ініцыятыўную групу з 1314 чалавек. 10 чэрвеня паведаміла, што ёй удалося сабраць неабходныя для рэгістрацыі кандыдатам 100 тысяч подпісаў[5].
Бізнес[правіць | правіць зыходнік]
Паводле дакументаў, Ганна Канапацкая была дырэктаркай юрыдычнай кампаніі «Грын рэй», але спыніла сваю дзейнасць пасля ўступлення на пасаду дэпутаткі. У інтэрнэце пра кампанію «Грын рэй» няма падрабязнай інфармацыі, у кампаніі ніколі не было сайта[6]. У перадвыбарчай кампаніі дэкларавала прыбытак 293 802 204 рублі за 2015 год[7].
Сям’я[правіць | правіць зыходнік]
Бацька Ганны Канапацкай — Анатоль Трухановіч, першы доларавы мільянер у Беларусі, колішні старшыня Саюза прадпрымальнікаў, перыядычна выступае экспертам у дзяржаўнай газеце Советская Белоруссия[6][7].
Ганна Канапацкая разведзеная, мае двух дзяцей.
Зноскі
- ↑ https://www.svaboda.org/a/hanna-kanapackaja-jurystka-razviedzienaja-dacka-liehalnaha-bielaruskaha-miljanera/27982449.html
- ↑ Канапацкая Ганна Анатолеўна. vybory2016.by. Архівавана з першакрыніцы 14 верасня 2016. Праверана 14 верасня 2016.
- ↑ Ганна Канапацкая: юрыстка, разьведзеная, дачка «легальнага беларускага мільянэра». svaboda.rog (12 верасня 2016). Архівавана з першакрыніцы 14 верасня 2016. Праверана 14 верасня 2016.
- ↑ Ганна Канапацкая заявіла, што прыпыняе сяброўства ў АГП. svaboda.org (29 верасня 2019).
- ↑ Канопацкая заявила о сборе необходимых 100 тысяч подписей tut.by (10 чэрвеня 2020)
- ↑ 6,0 6,1 Пра сям'ю, парламент, прэзідэнцкія амбіцыі — поўная тэкставая версія інтэрв’ю з Ганнай Канапацкай. nashaniva.by (21 кастрычніка 2018). Архівавана з першакрыніцы 15 красавіка 2019. Праверана 15 красавіка 2019.
- ↑ 7,0 7,1 Ганна Канапацкая: юрыстка, разьведзеная, дачка «легальнага беларускага мільянэра» (бел. (тар.)) . svaboda.org (12 верасня 2016). Праверана 15 красавіка 2019.
Спасылкі[правіць | правіць зыходнік]
- Ганна Канапацкая: юрыстка, разьведзеная, дачка «легальнага беларускага мільянэра». svaboda.rog (12 верасня 2016). Архівавана з першакрыніцы 14 верасня 2016. Праверана 14 верасня 2016.
| Фота, відэа і аўдыё |
|---|