Ганна Андрэеўна Гуськова

Ганна Гуськова
Ганна Гуськова
	; На беларускай паштовай марцы 2018 года
Агульная інфармацыя
Пол	жаночы
Поўнае імя	Ганна Андрэеўна Гуськова
Спецыялізацыя	фрыстайл
Нарадзілася	28 жніўня 1992 (31 год); Мінск, Беларусь;
Грамадзянства	Беларусь
Альма-матар	Беларускі дзяржаўны ўніверсітэт фізічнай культуры (2020);
Гады кар’еры	2005 — цяперашні час
Трэнеры	Мікалай Казека
Рост	167 см
Вага	57 кг
	Алімпійскія гульні
Ордэн Айчыны 3 ступені, Беларусь
	Медыяфайлы на Вікісховішчы

Ганна Андрэеўна Гуськова (нар. 28 жніўня 1992, Мінск) — беларуская фрыстайлістка, якая выступае ў акрабатыцы. Чэмпіёнка зімовых Алімпійскіх гульняў 2018 года^[2], срэбны прызёр зімовых Алімпійскіх гульняў 2022 года^[3]. Заслужаны майстар спорту Рэспублікі Беларусь (2018).

Біяграфія[правіць | правіць зыходнік]

Нарадзілася ў 1992 годзе ў Мінску. У дзяцінстве займалася гімнастыкай, але ва ўзросце 7 гадоў перайшла ў фрыстайл, дзе трэніравалася пад кіраўніцтвам Уладзіміра Дашчынскага, бацькі Дзмітрыя Дашчынскага. Другім трэнерам Ганны Гуськовай быў Юрый Купрацэвіч, які давёў яе да скачкоў на лыжах. Неўзабаве яна заваявала першыя медалі на юніёрскім узроўні^[2].

У 2005 годзе трапіла ў дарослую каманду зборнай Беларусі па фрыстайле і дэбютавала на міжнароднай арэне на адкрытым чэмпіянаце Расіі^[2].

З 2006 года актыўна выступала ў Кубку Еўропы, які выйграла ў заліку акрабатыкі ў сезоне 2008/09. У 2009 годзе таксама дэбютавала ў Кубку Свету на этапе ў Маскве, дзе стала 24-й. На чэмпіянаце свету ў тым жа годзе заняла 14-е месца. Праз два гады ў 2011 годзе на сусветным першынстве ў Дзір-Вэлі фрыстайлістка ўзнялася на 5-ю пазіцыю. У 2012 годзе заваявала «серабро» на чэмпіянаце свету сярод юніёраў у Італіі^[2].

Дэбютавала на зімовых Алімпійскіх гульнях у 2014 годзе ў Сочы. Тады Міжнародная федэрацыя лыжнага спорту вылучыла Беларусі 2 дадатковыя жаночыя ліцэнзіі, аднак Ганна Гуськова няўдала выступіла ў кваліфікацыйных спробах, заняўшы выніковае 21-е месца^[2].

31 студзеня 2015 года ў амерыканскім Лэйк-Плэсідзе ўпершыню трапіла на подыум этапа Кубка свету, заняўшы 3 месца^[2].

Спартсменка двойчы перанесла цяжкія траўмы (пашкоджанне меніска і разрыў пярэдняй крыжападобнай звязкі), пасля адной з аперацый ёй у калена ўставілі тытанавы шруб. З-за траўмаў яна практычна цалкам прапусціла сезон Кубка свету 2016/17^[2].

На першым этапе алімпійскага сезона 2017/18 заваявала першую перамогу на этапе Кубка свету ў Кітаі, а па выніках сезона заняла другое месца ў заліку акрабатыкі, саступіўшы толькі кітаянцы Сю Ментао^[2].

На зімовых Алімпійскіх гульнях у Пхёнчхане ў 2018 годзе трапіла ў асноўны фінал пасля першай кваліфікацыйнай спробы, а ў суперфінале прадэманстравала скачок, які прынёс ёй адзнаку 96,14 балаў і залаты медаль. У адным з інтэрв’ю пасля трыумфальнага выступлення Ганна сказала, што пераможны скачок прысвяціла свайму бацьку. За гэтае дасягненне спартсменка была ўзнагароджана ордэнам Айчыны III ступені і ганаровым званнем «Заслужаны майстар спорту Рэспублікі Беларусь»^[2].

На XXIV зімовых Алімпійскіх гульнях у 2022 годзе выйграла срэбны медаль у лыжнай акрабатыцы. Спартсменка атрымала за свой скачок 107,95 бала, пры тым што ў сваёй лепшай спробе першага фінальнага этапу Ганна Гуськова атрымала 92,00 бала, паказаўшы шосты вынік^[3].

Дасягненні[правіць | правіць зыходнік]

Месцы ў класіфікацыі[правіць | правіць зыходнік]

сезон 2008/2009: 153.
сезон 2009/2010: -
сезон 2010/2011: 42.
сезон 2011/2012: 31.
сезон 2012/2013: -
сезон 2013/2014: 171.
сезон 2014/2015: 18.
сезон 2015/2016: 42.
сезон 2016/2017: 91.
сезон 2017/2018:

Месца на подыуме на спаборніцтвах[правіць | правіць зыходнік]

Лэйк-Плэсід — 31 студзеня 2015 (акрабатыка) — 3 месца
Чжанцзякоў — 31 студзеня 2017 (акрабатыка) — 1 месца
Лэйк-Плэсід — 19 студзеня 2018 (акрабатыка) — 2 месца
Зімовыя Алімпійскія гульні 2018 Пхёнчхан — 15 лютага 2018 (акрабатыка) — 1 месца
Зімовыя Алімпійскія гульні 2022 Пекін — 14 лютага 2022 (акрабатыка) — 2 месца

Асабістае жыццё[правіць | правіць зыходнік]

Скончыла Беларускі дзяржаўны ўніверсітэт фізічнай культуры (2020)^[4]. Акрамя фрыстайла захапляецца пашывам адзення, любіць татуіроўкі. У дзяцінстве марыла стаць журналістам, фатографам або актрысай.

Грамадзянская пазіцыя[правіць | правіць зыходнік]

18 жніўня 2020 года падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[5].

Зноскі

↑ Hanna Huskova // https://pantheon.world/profile/person/Hanna_Huskova
↑ ^а ^б ^в ^г ^д ^е ^ё ^ж ^з Гуськова Ганна Андрэеўна // Беларусь у асобах і падзеях
↑ ^а ^б Беларуская фрыстайлістка Ганна Гуськова заваявала алімпійскае серабро ў лыжнай акрабатыцы // БелТА, 14 лютага 2022.
↑ Министр спорта и туризма Республики Беларусь встретился с одними из лучших выпускников БГУФК
↑ «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)

Спасылкі[правіць | правіць зыходнік]

Біяграфія на сайце НАК Беларусі (руск.)
Профіль на сайце FIS-у (en)

[_8e0378ff8e080ed7-1] Hanna Huskova // https://pantheon.world/profile/person/Hanna_Huskova

[bis.nlb.by-2] а ^б ^в ^г ^д ^е ^ё ^ж ^з Гуськова Ганна Андрэеўна // Беларусь у асобах і падзеях

[belta-3] а ^б Беларуская фрыстайлістка Ганна Гуськова заваявала алімпійскае серабро ў лыжнай акрабатыцы // БелТА, 14 лютага 2022.

[4] Министр спорта и туризма Республики Беларусь встретился с одними из лучших выпускников БГУФК

[5] «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)

[1]

[2]

[3]

[4]

[5]

Спартсмены года Беларусі (паводле апытання журналістаў)
1950-я	Марыя Іткіна, Уладзімір Булатаў, Алег Караваеў (1959)
1960-я	Алег Караваеў, Леанід Гейштар / Сяргей Макаранка, Уладзімір Гараеў (1960) · Марыя Іткіна, Алег Караваеў, Аляксандр Мядзведзь (1961) · Аляксандр Мядзведзь, Марыя Іткіна, Аляксей Балтоўскі (1962) · Аляксандр Мядзведзь, Марыя Іткіна, Эдуард Малафееў (1963) · Рамуальд Клім, Аляксандр Мядзведзь, Алена Валчэцкая (1964) · Эдуард Матусевіч, Рамуальд Клім, Аляксандр Мядзведзь (1965) · Рамуальд Клім, Аляксандр Мядзведзь, Таццяна Самусенка (1966) · Рамуальд Клім, Аляксандр Мядзведзь, Аляксей Ніканчыкаў (1967) · Аляксандр Мядзведзь, Алена Новікава (Бялова), Рамуальд Клім (1968) · Алена Новікава, Тамара Шыманская, Аляксандр Мядзведзь (1969)
1970-я	Віталь Пархімовіч, Аляксандр Мядзведзь, Аляксей Ніканчыкаў (1970) · Аляксандр Мядзведзь, Тамара Лазаковіч, Мікалай Хохал (1971) · Вольга Корбут, Алена Бялова, Мікалай Гарбачоў (1972) · Аляксандр Кедзяраў, Вольга Корбут, Васіль Сюльжын (1973) · Аляксандр Раманькоў, Вольга Корбут, Уладзімір Зубкоў (1974) · Валерый Шарый, Мікалай Астапкович / Віктар Вараб’ёў, Алена Бялова (1975) · Валерый Шарый, Уладзімір Камінскі, Аляксандр Газаў (1976) · Аляксандр Раманькоў і Алена Бялова (1977) · Нэлі Кім і Уладзімір Тайнікаў (1978) · Нэлі Кім, Генадзь Валюкевіч, Аляксандр Грыгор’еў (1979)
1980-я	Уладзімір Парфяновіч, Леанід Тараненка, Нэлі Кім (1980) · Уладзімір Парфяновіч, Ігар Каныгін, Алена Хлопцава (1981) · Уладзімір Парфяновіч, Аляксандр Раманькоў, Мікалай Дзядоў (1982) · Аляксандр Раманькоў, Уладзімір Парфяновіч, Аляксандр Курловіч (1983) · Леанід Тараненка, Анатоль Гантварг, Сяргей Каснаўскас (1984) · Ігар Жалязоўскі, Анатоль Гантварг, Юрый Балабанаў (1985) · Ігар Жалязоўскі, Ігар Басінскі, Зоя Садоўская (1986) · Ігар Басінскі, Аляксандр Курловіч, Наталля Зверава (1987) · Марына Лобач, Вячаслаў Яноўскі, Святлана Багінская (1988) · Аляксандр Тучкін, Сяргей Гоцманаў, Юрый Крывахіжа, Святлана Багінская, Ігар Жалязоўскі (1989)
1990-я	Леанід Тараненка, Святлана Багінская, Віталь Шчэрба (1990) · Ігар Жалязоўскі, Аляксандр Курловіч, Алена Рудкоўская (1991) · Віталь Шчэрба, Аляксандр Курловіч, Алена Рудкоўская (1992) · Ігар Жалязоўскі, Віталь Шчэрба, Наталля Зверава (1993) · Іван Іванкоў, Аляксандр Курловіч, Святлана Парамыгіна (1994) · Наталля Шыколенка, Віталь Шчэрба, Эліна Зверава (1995) · Кацярына Хадатовіч, Віталь Шчэрба, Наталля Сазановіч (1996) · Іван Іванкоў, Аляксандр Гукаў, Кацярына Хадатовіч (1997) · Уладзімір Самсонаў, Іван Іванкоў, Аляксей Айдараў (1998) · Кацярына Карстэн (Хадатовіч), Вадзім Сашурын, Юлія Раскіна (1999)
2000-я	Кацярына Карстэн і Ігар Басінскі (2000) · Яніна Карольчык і Генадзь Аляшчук (2001) · Аляксей Грышын і Наталля Цылінская (2002) · Наталля Цылінская і Андрэй Міхневіч (2003) · Юлія Несцярэнка і Ігар Макараў (2004) · Іван Ціхан і Кацярына Карстэн (2005) · Дзмітрый Дашчынскі і Кацярына Карстэн (2006) · Іван Ціхан і Кацярына Карстэн (2007) · Андрэй Арамнаў і Аксана Мянькова (2008) · Раман Петрушэнка / Вадзім Махнеў і Кацярына Карстэн (2009)
2010-я	Аляксей Грышын і Дар’я Домрачава (2010) · Алім Селімаў і Аляксандра Герасіменя (2011) · Сяргей Мартынаў і Вікторыя Азаранка (2012) · Сяргей Рутэнка і Вікторыя Азаранка (2013) · Антон Кушнір і Дар’я Домрачава (2014) · Васіль Кірыенка і Марына Арзамасава (2015) · Уладзіслаў Ганчароў і Марыя Мамашук (2016) · Антон Кушнір і Таццяна Пятрэня (2017) · Ганна Гуськова і Уладзіслаў Ганчароў (2018) · Аляксандра Раманоўская і Андрэй Арамнаў (2019)