Ганс Шэле

Ганс Шэле
Пол	мужчынскі пол
Спецыялізацыя	бег на 400 метраў з бар’ерамі[d]
Нарадзіўся	18 снежня 1908(1908-12-18) Kirchwerder[d], Бергедорф[d], Гамбург, Германская імперыя
Памёр	23 ліпеня 1941(1941-07-23) (32 гады) Буйнічы, Цішоўскі сельсавет, Магілёўскі раён, Магілёўская вобласць, БССР, СССР
Грамадзянства	Германскі рэйх
Рост	185 см або 1,85 м
Вага	70 кг

Ханс Хайнрых Шэле (ням.: Hans-Heinrich Scheele; 18 снежня 1908(1908-12-18), Kirchwerder^[d] — 23 ліпеня 1941(1941-07-23), Буйнічы, Магілёўская вобласць) — нямецкі лёгкаатлет. Выступаў у бегу на сярэднія дыстанцыі і бар’ерным бегу. Удзельнік летніх Алімпійскіх гульн 1936 года, двухразовы чэмпіён Еўропы 1934 года.

Біяграфія

Ханс Шэле нарадзіўся 18 снежня 1908 года ў раёне Кірхвердэр горада Гамбург.

Выступаў у лёгкаатлетычных спаборніцтвах за «Гамбург». У 1934—1936 гадах станавіўся чэмпіёнам Германіі ў бар’ерным бегу на сярэднія дыстанцыі.

У 1934 годзе заваяваў два залатыя медалі на чэмпіянаце Еўропы ў Турыне ў бегу на 400 метраў з бар’ерамі з рэкордам Германіі і чэмпіянатаў Еўропы — 53,2 секунды і ў складзе зборнай Германіі ў эстафеце 4х400 метраў (3 хвіліны 14,1 секунды).

У 1936 годзе ўвайшоў у склад зборнай Германіі на летніх Алімпійскіх гульнях у Берліне. У бегу на 400 метраў з бар’ерамі заняў у чвэрцьфінале 3-е месца з вынікам 54,6, саступіўшы 0,1 секунды трапіўшаму ў паўфінал з 2-га месца Хуану Лавенасу з Аргенціны.

Быў прадпрымальнікам. У 1939 годзе пасля пачатку Другой сусветнай вайны быў мабілізаваны ў вермахт.

Загінуў 23 ліпеня 1941 года ў вёсцы Буйнічы Магілёўскага раёга (БССР) у баі супраць савецкіх войскаў. Пахаваны на могілках нямецкіх салдат у Магілёве.

Асабісты рэкорд

• Бег на 400 метраў з бар’ерамі — 53,2 (9 верасня 1934, Турын)

Сям’я

Сыны Клаўс і Хорс былі вядомымі ў ФРГ лёгкаатлетамі.