Гарадскі стадыён (Барысаў)

З пляцоўкі Вікіпедыя
(Пасля перасылкі з Гарадскі стадыён, Барысаў)
Jump to navigation Jump to search
Гарадскі стадыён
Усходняя трыбуна гарадскога стадыёна ў Барысаве, Беларусь
Месцазнаходжанне Сцяг Беларусі Беларусь,
Сцяг Барысава Барысаў, вуліца Гагарына, 46
Пабудаваны 1963
Уладальнік Барысаў
Хатняя каманда БАТЭ
Умяшчальнасць 5 402 месца
Памеры поля 105×68 м
Пакрыццё натуральнае з падагрэвам
Commons-logo.svg Гарадскі стадыён на Вікісховішчы

Гарадскі стадыён — шматфункцыянальны стадыён у горадзе Барысаў, Беларусь. З'яўляецца хатнім стадыёнам футбольнага клуба БАТЭ. Выкарыстоўваецца для правядзення футбольных матчаў, а таксама канцэртаў.

Асноўныя характарыстыкі стадыёна[правіць | правіць зыходнік]

Стадыён адпавядае другой катэгорыі па рэйтынгу стадыёнаў УЕФА.

  • Год адкрыцця: 1963[1]
  • Умяшчальнасць: 5 402 месца[2]
  • Інфармацыйнае табло: 1 (6х11 м), электроннае, аднаколернае, з бягучым радком
  • Асвятляльныя мачты: 4, агульная магутнасць - 1610 люкс
  • Колькасць месцаў для паркоўкі: 28 (унутры стадыёна) і 400 (за яго межамі)

Поле

  • Памер ігравога поля: 105×68 м
  • Газон: прыродны, травяны, з сістэмай палівання

Трыбуны

  • Колькасць трыбун: 2
  • Заходняя трыбуна: 3156 месцаў (6 сектараў), тут размешчаны распранальні іграючых каманд і прэс-цэнтр
  • Усходняя трыбуна: 2180 месцаў (5 сектараў), ёсць падстрэшак, 1-ы сектар — для фанатаў гасцей, 5-ы сектар — для фанатаў гаспадароў.

На тэрыторыі стадыёна размешчаны дадатковае трэніровачнае поле і тэнісны корт. Поле стадыёна акружана асфальтавай бегавой дарожкай.

Гісторыя[правіць | правіць зыходнік]

Заходняя трыбуна гарадскога стадыёна.

Стадыён быў адкрыты ў 1963 годзе і першапачаткова меў усяго адну трыбуну ўмяшчальнасцю 2 600 месцаў.

У чэрвені 1998 года барысаўскі гарадскі стадыён быў прыняты еўрапейскай камісіяй УЕФА і атрымаў права на правядзенне міжнародных матчаў. Футбольны клуб БАТЭ праводзіў на стадыёне матчы кваліфікацыйных раундаў Еўракубкаў. Таксама на стадыёне праводзіць свае хатнія матчы моладзевая зборная Беларусі па футболе.

Маштабная рэканструкцыя стадыёна была праведзена ў 1998-2001 гадах, пасля таго, як футбольны клуб БАТЭ атрымаў права ўдзельнічаць у Вышэйшай лізе чэмпіянату краіны. Умяшчальнасць адзінай трыбуны была павялічана да 3 100 гледачоў, газон быў поўнасцю перасланы. Тады было пабудавана трэніровачнае поле, усталявана камп'ютарная сістэма палівання «Rain-Bird», рэканструяваны пад'ездныя шляхі, інжынерныя сеткі, абсталяваны прэс-цэнтр, ложа ганаровых гасцей і каментатарскія кабіны.

У 2002 годзе была пабудавана ўсходняя трыбуна, умяшчальнасць стадыёна павялічылася да 5 402 месцаў. На абедзвюх трыбунах былі ўсталяваны індывідуальныя пластыкавыя крэслы. Праз два гады ўсталявалі вялікае электроннае інфармацыйнае табло, яшчэ праз год — чатыры мачты штучнага асвятлення. У 2008 годзе над усходняй трыбунай з'явіўся падстрэшак.

Пасля таго, як у 2014 годзе была адкрытая новая Барысаў-Арэна, БАТЭ стаў праводзіць хатнія матчы на новым стадыёне, а Гарадскі стадыён стаў выкарыстоўвацца для правядзення матчаў дубля.

Зноскі

Спасылкі[правіць | правіць зыходнік]