Стройна складзенае жывёла; даўжыня цела 120—130 см, хваста — каля 15 см, вышыня ў карку да 80 см. У самцоў даволі доўгія (да 70 см) спіральна закручаныя рогі. Афарбоўка дарослых самцоў чарнавата-шэрая, самак і маладых — чырванавата-бурая, ніз цела — белы. Распаўсюджана ў Індыі, выключаючы Малабарскае узбярэжжа. Палігамная жывёла. Жыве статкамі па 20—30 галоў; засяляе шырокія адкрытыя раўніны. Размнажаецца на працягу ўсяго года. Цяжарнасць каля 6 месяцаў. Самкі нараджаюць па адным цялю. Гарна вельмі хутка бегае, добра скача.
