Гарсія ды Орта

Гарсія ды Орта
Garcia de Orta
Помнік у Лісабоне
Дата нараджэння	1499 ці 1501
Месца нараджэння	Каштэлу-ды-Віды[d], акруга Порталегры[d], Партугалія
Дата смерці	1568
Месца смерці	Гоа, Партугальская Індыя, Каралеўства Партугалія
Грамадзянства	Партугалія
Род дзейнасці	батанік, урач, выкладчык універсітэта, гандляр лячэбнымі травамі, натураліст
Навуковая сфера	Фармакалогія
Месца працы	Лісабонскі ўніверсітэт Каімбрскі ўніверсітэт
Альма-матар	Саламанкскі ўніверсітэт, Мадрыдскі ўніверсітэт
Подпіс
Медыяфайлы на Вікісховішчы

Гарсія ды Орта (парт.: Garcia de Orta; каля 1501 — 1568) — партугальскі натуразнавец і вандроўнік яўрэйскага паходжання. Вызначыўся ў такіх галінах, як батаніка і фармакалогія. Лічыцца адным з заснавальнікаў трапічнай медыцыны.

Біяграфія

Гарсія ды Орта нарадзіўся ў сям’і Фернана і Леаноры ды Орта, сефардаў, што былі вымушаны пераехаць з Іспаніі ў Партугалію і прыняць каталіцызм. Вывучаў медыцыну ў Іспаніі. У 1534 г. у якасці ўрача адправіўся з партугальскай экспедыцыяй у Індыю. Жыў у Гоа, Ахмеднагары, валодаў маёнткам на востраве Сальсет.

Спрыяў пераезду ў Індыю сваіх сваякоў. У 1543 г. ажаніўся са стрыечнай сястрой, меў ад гэтага шлюба 2 дачкі. У 1549 г. яго маці і родная сястра арыштоўваліся ўладамі Гоа з-за падазрэння ў патаемным вераспавяданні іўдаізму, аднак пра пераслед пры жыцці самога Гарсіі інфармацыі няма. Падчас эпідэміі халеры здзейсніў першае анатамаванне памерлага і падрабязна апісаў гэту хваробу.

Пасля смерці быў пахаваны ў Гоа на хрысціянскіх могілках. Аднак падчас следства інквізіцыі супраць няслушных хрысціян у 1580 г. быў абвінавачаны стрыечным братам у патаемным спавяданні іўдаізму. У выніку яго цела было вынята з магілы і прылюдна спалена.

Погляды

Гарсія ды Орта спасылаўся на еўрапейскія і арабскія медыцынскія традыцыі, але падвяргаў іх крытыцы, аддаваў перавагу непасрэднаму вопыту, выступаў за набыццё новых ведаў падчас вандровак у іншыя краіны. Праца Гарсіі, прысвечаная выкарыстанню паўднёваазіяцкіх лекавых раслін, аказала значны ўплыў на далейшае развіццё еўрапейскай фармакалогіі.

Бібліяграфія

• Coloquios dos Simples e Drogas da India — Goa, 1563. — 217 старонак

Спасылкі

• Garcia de Orta (1501/02-68) Архівавана 18 снежня 2019.
• ORTA, GARCIA D’(OR DA ORTA)