Гары Острын Вольфсан

Гары Острын Вольфсан
Дата нараджэння	2 лістапада 1887(1887-11-02)
Месца нараджэння	Астрына, Віленская губерня
Дата смерці	20 верасня 1974(1974-09-20) (86 гадоў) ці 19 верасня 1974(1974-09-19) (86 гадоў)
Месца смерці	Кембрыдж, акруга Мідлсекс, Масачусетс, ЗША
Грамадзянства	Расійская імперыя  ЗША
Род дзейнасці	іўдаіст, філосаф, выкладчык універсітэта, гісторык
Месца працы	Гарвардскі ўніверсітэт
Альма-матар	Гарвардскі ўніверсітэт
Член у	Амерыканская акадэмія мастацтваў і навук Амерыканская акадэмія медыевістыкі[d] Амерыканскае філасофскае таварыства
Узнагароды	National Jewish Book Awards[d] (1949) Fellow of the Medieval Academy of America[d] (1942)

Гары Острын Вольфсан (Цві Гершэль Вольфсан, англ.: Harry Austryn Wolfson; 2 лістапада 1887(1887-11-02), Астрына, Віленская губерня — 20 верасня 1974(1974-09-20) ці 19 верасня 1974(1974-09-19), Кембрыдж, Масачусетс) — амерыканскі гісторык філасофіі, прафесар Гарвардскага ўніверсітэта.

Біяграфія

Нарадзіўся ў 1887 годзе ў Астрыне на Беларусі. Паходзіў з сям’і равіна. Навучаўся ў ешыве Слабодка (каля Коўна).

У 1903 годзе з сям’ёй эміграваў у ЗША. Вучыўся ў Гарвардзе.

З 1915 года пачаў выкладаць. У 1925 годзе быў прызначаны на пасаду прафесара яўрэйскай літаратуры і філасофіі Гарвардскага ўніверсітэта.

Даследаваў філасофію Спінозы, Філона Александрыйскага, Крэскаса. Выдаў двухтомную працу «Філасофія айцоў царквы». Быў членам Амерыканскай акадэміі яўрэйскіх даследаванняў, Амерыканскай акадэміі мастацтваў і навук, прэзідэнтам Амерыканскага ўсходняга таварыства.

У 1958 годзе за свае дасягненні быў узнагароджаны прэміяй Амерыканскага савета навуковых таварыстваў.