Гары Потэр і Дары Смерці

З Вікіпедыі, свабоднай энцыклапедыі
Гары Потэр і Дары Смерці
Harry Potter and the Deathly Hallows
Выданне
Жанр фэнтэзі
Аўтар Джаан Роўлінг
Мова арыгінала англійская
Дата напісання 21 ліпеня 2007
Дата першай публікацыі 21 ліпеня 2007
Выдавецтва Bloomsbury
Цыкл Гары Потэр
Папярэдні Гары Потэр і Прынц-паўкроўка
Персанажы Гары Потэр, Рон Уізлі і Герміёна Грэйнджэр
Лагатып Вікісховішча Медыяфайлы на Вікісховішчы

«Гары Потэр і Дары Смерці» (англ.: Harry Potter and the Deathly Hallows) — сёмы і апошні раман з серыі пра Гары Потэра, напісанай Джаан Роўлінг. Кніга была выдадзена 21 ліпеня 2007 года ў Вялікабрытаніі выдавецтвам «Bloomsbury», у Злучаных Штатах выдавецтвам «Scholastic Inc» і ў Канадзе выдавецтвам «Raincoast Books».

Роўлінг скончыла пісаць раман у студзені 2007 года. Да яго публікацыі Bloomsbury выдаткавала 10 мільёнаў фунтаў стэрлінгаў, каб утаіць змест кнігі. «Гары Потэр і Дары Смерці» была выдадзена ў 93 краінах і стала самай хуткапрадаванай кнігай, якою застаецца і сёння. У першыя 24 гадзіны пасля публікацыі было прададзена 15 мільёнаў копій, у тым ліку больш за 11 мільёнаў у Злучаных Штатах Амерыкі і 1 — у Вялікабрытаніі. Папярэдні рэкорд у 9 мільёнаў належаў шостай частцы серыі «Гары Потэр і Прынц-паўкроўка». Раман пераклалі больш як на 120 моў.

«Гары Потэр і Дары Смерці» была адаптавана ў кіно ў дзвюх частках, першая з якіх выйшла ў лістападзе 2010 года і зарабіла больш за $960 мільёнаў у пракаце. Прэм’ера другой адбылася 15 ліпеня 2011 года і касавыя зборы склалі больш за $1,34 мільярда, што стала рэкордам сярод экранізацый раманаў пра Гары Потэра. Абедзве часткі здабылі збольшага спрыяльныя водгукі кінакрытыкаў.

Зноскі

Спасылкі[правіць | правіць зыходнік]