Гаэтана Д’Агасціна
Агульная інфармацыя | ||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
3 чэрвеня 1982[1][2] (41 год) ці 4 чэрвеня 1982 (41 год) |
|||||||||||||||||||||||||||||||||
Грамадзянства | Італія | |||||||||||||||||||||||||||||||||
Рост | 183 см | |||||||||||||||||||||||||||||||||
Вага | 81 кг | |||||||||||||||||||||||||||||||||
Пазіцыя | паўабаронца | |||||||||||||||||||||||||||||||||
Інфармацыя пра клуб | ||||||||||||||||||||||||||||||||||
Клуб | Віртус Франкавіла | |||||||||||||||||||||||||||||||||
Пасада | галоўны трэнер | |||||||||||||||||||||||||||||||||
Маладзёжныя клубы | ||||||||||||||||||||||||||||||||||
|
||||||||||||||||||||||||||||||||||
Клубная кар’ера[* 1] | ||||||||||||||||||||||||||||||||||
|
||||||||||||||||||||||||||||||||||
Нацыянальная зборная[* 2] | ||||||||||||||||||||||||||||||||||
|
||||||||||||||||||||||||||||||||||
Трэнерская кар’ера | ||||||||||||||||||||||||||||||||||
|
||||||||||||||||||||||||||||||||||
Медыяфайлы на Вікісховішчы |
Гаэтана Д’Агасціна (італ.: Gaetano D’Agostino; нар. 3 чэрвеня 1982, Палерма, Італія) — італьянскі футбаліст, які завяршыў кар’еру. Гуляў на пазіцыі паўабаронцы. Былы ігрок нацыянальнай зборнай Італіі. У цяперашні час з’яўляецца галоўным трэнерам клуба «Віртус Франкавіла».
Кар’ера[правіць | правіць зыходнік]
Клубная[правіць | правіць зыходнік]
Д’Агасціна пачаў займацца футболам у школе «Палерма» з яго роднага горада. Пасля таго, як у адным з сезонаў Гаэтана забіў больш за 100 мячоў, на яго звярнулі ўвагу скаўты сталічнай «Ромы», і ў 16 гадоў ён апынуўся ў яе школе[3]. І пры Здэнеку Земане, і пры Фабіа Капэла ён нярэдка прыцягваўся да трэніровак з асноўным складам[4]. Дэбютаваў у Серыі А Гаэтана ў 2000 годзе ў матчы з «Брэшыяй». У тым сезоне «Рома» стала чэмпіёнам Італіі і Д’Агасціна, які акрамя матчу з «Брэшыя» больш не гуляў, таксама стаў часткай чэмпіёнскага складу[3]. Аднак замацавацца ў клубе ён усё ж не здолеў, і 50% правоў на гульца былі перададзеныя клубу «Бары», стаўшы часткай пераходу Антоніа Касана.
У «Бары» Д’Агасціна правёў 70 матчаў за 2 сезоны. Клуб у гэты час з’яўляўся серадняком Серыі B. Гаэтана рэгулярна прызываўся ў зборныя Італіі розных узростаў[4]. У складзе італьянскай моладзевай зборнай выйграў чэмпіянат Еўропы 2004.
У 2003 у вярнуўся ў «Рому», нярэдка з’яўляўся на поле ў канцы сезону 2003/04. Аднак замацавацца ў аснове рымлян ў Гаэтана зноў не атрымалася, і ён быў прададзены ў «Месіну», якая вярнулася ў Серыю A. «Шчыра кажучы, думаў, мне ўдасца рэалізаваць сябе ў "Роме", аднак нешта не склалася» — заявіў ён пасля гэтага пераходу[4]. Д’Агасціна добра праявіў сябе ў складзе сіцылійцаў, згуляўшы 42 матча і забіўшы 5 галоў.
Улетку 2006 года правы на гульца выкупіў «Удзінезэ». Гаэтана адразу замацаваўся ў аснове клуба, а пасля прыходу Гёкхана Інлера здолеў стварыць з ім моцную звязку ў паўабароне[4]. Канчаткова талент Д’Агасціна раскрыўся ў сезоне 2008/09, у якім згуляў 36 матчаў і паказаў незвычайна высокую для сябе выніковасць, забіўшы 11 мячоў[3]. Ва «Удзінезэ» выконваў ролю плэймейкера і з’яўляўся штатным выканаўцам штрафных удараў[4]. У сезоне 2007/08 стаў лідарам Серыі A па колькасці галявых перадач[4].
У снежні 2008 года Д’Агасціна мог апынуцца ў казанскім «Рубіне»[5], а ўлетку 2009 быў блізкі да пераходу ў «Ювентус» або «Рэал»[6], але абодва клуба палічылі суму, запрошаную «Удзінезэ» за гульца занадта вялікай і набылі іншых футбалістаў, «Ювентус» падпісаў бразільца Феліпі Мелу, а «Рэал» — Хабі Алонса[3]. Пазней Д'Агасціна заявіў, што не шкадуе аб неадбыўшыхся пераходах: «Я ніколькі не шкадую, што застаўся ва "Удзінезэ". Тут мой дом, дзе я адчуваю сябе добра, я чысты перад сваім сумленнем»[7].
7 чэрвеня 2010 года Д’Агасціна ўсё ж пакінуў «Удзінезэ», перайшоўшы ў «Фіярэнціну», якая выкупіла палову правоў на футбаліста[8]. У сваім апошнім сезоне у складзе клуба з Удзінэ ён правёў 20 матчаў і забіў адзін гол.
З 2011 года выступаў за «Сіену», пакуль тая не збанкрутавалася і спыніла існаванне ўлетку 2014 года. Пасля стаў гуляць ў клубах ніжэйшых дывізіёнаў Італіі. У 2016 годзе завяршыў кар’еру футбаліста і перайшоў на трэнерскую працу.
Міжнародная[правіць | правіць зыходнік]
У 2004 годзе Д'Агасціна стаў чэмпіёнам Еўропы у складзе моладзевай зборнай Італіі.
18 лістапада 2008 года Марчэла Ліпі выклікаў Д’Агасціна ў першую зборную на матч з камандай Грэцыі, аднак гулец на полі не з’явіўся. Дэбютаваў у складзе «скуадры адзуры» 6 чэрвеня 2009 года ў таварыскім матчы са зборнай Паўночнай Ірландыі.
Дасягненні[правіць | правіць зыходнік]
«Рома»
- Чэмпіён Італіі: 2001
Моладзевая зборная Італіі
- Чэмпіён Еўропы: 2004
Зноскі
- ↑ Gaetano D'Agostino // Transfermarkt — 2000. Праверана 9 кастрычніка 2017.
- ↑ GAETANO D'AGOSTINO // Argentine Soccer Database
- ↑ а б в г The Explosion of Gaetano D’Agostino (англ.)(недаступная спасылка). The Offside (22 мая 2009). Архівавана з першакрыніцы 20 сакавіка 2012. Праверана 16 кастрычніка 2009.
- ↑ а б в г д е Денис Орлов. Вперед, Даго! . Sports.ru (7 снежня 2008). Архівавана з першакрыніцы 20 сакавіка 2012. Праверана 16 кастрычніка 2009.
- ↑ «Рубин» замахнулся на Гаэтано Д'Агостино . Росбалт (25 снежня 2008). Архівавана з першакрыніцы 7 чэрвеня 2012. Праверана 16 кастрычніка 2009.
- ↑ Гаэтано Д’Агостино: «Все игроки мечтают выступать за «Реал» . Sports.ru (10 ліпеня 2009). Архівавана з першакрыніцы 20 сакавіка 2012. Праверана 16 кастрычніка 2009.
- ↑ Д’Агостино: «Не жалею, что остался в «Удинезе» . Евро-футбол (7 кастрычніка 2009). Архівавана з першакрыніцы 20 сакавіка 2012. Праверана 16 кастрычніка 2009.
- ↑ «Фиорентина» объявила о приобретении д’Агостино(недаступная спасылка). Чемпионат.ру (7 июня 2010). Архівавана з першакрыніцы 10 чэрвеня 2010. Праверана 19 чэрвеня 2010.
Спасылкі[правіць | правіць зыходнік]
- Нарадзіліся 3 чэрвеня
- Нарадзіліся ў 1982 годзе
- Нарадзіліся 4 чэрвеня
- Нарадзіліся ў Палерма
- Асобы
- Спартсмены паводле алфавіта
- Футбалісты паводле алфавіта
- Футбольныя трэнеры паводле алфавіта
- Футбалісты Італіі
- Ігракі зборнай Італіі па футболе
- Ігракі ФК Лупа Рома
- Ігракі ФК Беневента
- Ігракі ФК Фідэліс Андрыя
- Ігракі ФК Сіена
- Ігракі ФК Пескара
- Ігракі ФК Фіярэнціна
- Ігракі ФК Удзінезэ
- Ігракі ФК Месіна
- Ігракі ФК Рома
- Ігракі ФК Бары
- Футбольныя трэнеры Італіі
- Трэнеры ФК Віртус Франкавіла
- Трэнеры ФК Анцыа