Генадзь Ільіч Мурамцаў

Генадзь Ільіч Мурамцаў
руск.: Геннадий Ильич Муромцев
Генадзь Ільіч Мурамцаў. Фота Яўгена Колчава
Дата нараджэння:	18 лістапада 1931(1931-11-18) (86 гадоў)
Месца нараджэння:	Ленінград
Грамадзянства:	СССР→ Беларусь
Род дзейнасці:	скульптар
Месца працы:	Беларуская дзяржаўная акадэмія мастацтваў
Вучоба:	Мінскае мастацкае вучылішча (1947—52) Ленінградскі Інстытут імя Рэпіна (1952—58)
Вядомыя працы:	«Ураджай»
Уплыў:	Сяргей Каткоў Андрэй Бембель Міхаіл Керзін
Уплыў на:	Леанід Давідзенка
Узнагароды:	Лаўрэат прэміі Ленінскага Камсамола Беларусі (1967)

Гена́дзь Ільі́ч Му́рамцаў (18 лістапада 1931, Ленінград) — беларускі скульптар, педагог.

Біяграфія

Нарадзіўся ў сям'і опернага спевака Ільі Аляксеевіча, заслужанага артыста БССР (1901—1968). Жыве ў Мінску з 1936, у гады Вялікай Айчыннай вайны разам з сям'ёй жыў у Маскве, Куйбышаве, Горкім, Каўрове; вярнуліся ў Мінск у жніўні 1944. Першапачатковую мастацкую адукацыю адтрымаў у студыі Мінскага Дома піянераў пад кіраўніцтвам Сяргея Каткова ў 1939, потым у студыі Дома афіцэраў, далей у Доме народнай творчасці ў Мікалая Тарасікава. Вучыўся ў Мінскім мастацкім вучылішчы (1947—1952) у Андрэя Бембеля, Інстытуце жывапісу, скульптуры і архітэктуры імя Ільі Рэпіна Акадэміі мастацтваў СССР (Ленінград, 1952—1958) у Міхаіла Керзіна, Васіля Сакалова, Ігара Крастоўскага, Генадзя Епіфанава. Дыплом — жаночая фігура «Ураджай». Выкладаў у Мінскім мастацкім вучылішчы (1958—1961), Беларускай дзяржаўнай акадэміі мастацтваў з 1961 (дацэнт з 1977). Лаўрэат прэміі Ленінскага Камсамола Беларусі (1967). Член Саюза мастакоў БССР з 1961 (секцыі скульптуры).

Творчасць

Партрэтныя вобразы Мурамцава заўсёды адрозніваюцца своеасаблівай лаканічнай аўтарскай манерай. Сярод створанай галерэі персанажаў сустракаюцца вядомыя пісьменнікі, паэты, мастакі Беларусі (Максім Багдановіч, Аркадзь Куляшоў, Васіль Быкаў, Заір Азгур, Міхаіл Керзін, Вітольд Бялыніцкі-Біруля, Алеся Паслядовіч і іншыя).