Генрык Казіміравіч Жарскі

Генрык Казіміравіч Жарскі
Генрык Казіміравіч Жарскі
Асабістыя звесткі
Дата нараджэння	1902
Месца нараджэння	Варшава, Царства Польскае, Расійская імперыя;
Дата смерці	14 кастрычніка 1937
Месца смерці	Менск, БССР, СССР;
Альма-матар	Усесаюзны інстытут журналістыкі[d] (1928);
Месца працы	Orka;
Прафесійная дзейнасць
Род дзейнасці	празаік, грамадскі дзеяч
Мова твораў	руская і польская
Грамадская дзейнасць
Партыя	Камуністычная партыя Польшчы;
Член у	Саюз беларускіх пісьменнікаў;

Генрык Казіміравіч Жарскі (польск.: Henryk Żarski; 1902, Варшава, Польшча — 14 кастрычніка 1937, Мінск) — польскі празаік, грамадскі дзеяч.

Біяграфія

Нарадзіўся ў сям’і фельчара. З шаснаццаці год удзельнічаў у падпольнай рабоце КПП. Быў зняволены ў варшаўскі астрог «Павяк». Вызвалены пад залог, эмігрыраваў у Францыю, дзе працаваў на заводзе «Рэно»^[1]. Супрацоўнічаў з газетай «L’Humanite»^[2]. Высланы за межы Францыі за арганізацыю забастоўкі рабочых. Па накіраванні Польскай секцыі Камінтэрна прыехаў у СССР, дзе быў залічаны на вучобу ў Маскоўскі дзяржаўны інстытут журналістыкі^[1]. Скончыў універсітэт у 1928 годзе^[2].

У 2-й палове 1920-х г. пачаў займацца літаратурнай дзейнасцю. Працаваў у Саратаве ў абласной газеце, затым у пугачоўскай раённай газеце^[1].

У 1932 г. пераведзены ў Беларусь. Быў намеснікам рэдактара, затым рэдактарам польскай газеты «Orka» («Ворыва»)^[1].

Член Саюза пісьменнікаў Беларусі з 1934 года^[1].

Арыштаваны 20 студзеня 1937 года^[2]. Расстраляны 14 кастрычніка 1937 года органамі НКУС у Мінску^[1]. Месца пахавання невядомае^[1]. Рэабілітаваны ў 1957 годзе^[2].

Творчасць

Літаратурнай працай займаўся з другой паловы 1920-х гг. Пісаў на рускай і польскай мовах. Аўтар кнігі апавяданняў для дзяцей «Парашок для чыхання» (Мінск, 1935), аповесці «Без языка» (газета «Пионерская правда», 1927), шэрагу празаічных твораў у «Альманаху літэрацкім» (Мінск, 1934)^[1]. Значная частка рукапісаў Жарскага загінула^[2].

Крыніцы

↑ ^а ^б ^в ^г ^д ^е ^ё ^ж Жарскі Генрык – Белліт (бел.) (21 кастрычніка 2023). Праверана 26 жніўня 2024.
↑ ^а ^б ^в ^г ^д ЖАРСКІ Генрык // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). / Укладальнік Л. У. Маракоў.

[:0-1] а ^б ^в ^г ^д ^е ^ё ^ж Жарскі Генрык – Белліт (бел.) (21 кастрычніка 2023). Праверана 26 жніўня 2024.

[:1-2] а ^б ^в ^г ^д ЖАРСКІ Генрык // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). / Укладальнік Л. У. Маракоў.

[1]

[2]