Генры Гудзон

З Вікіпедыі, свабоднай энцыклапедыі
Генры Гудзон
Henry Hudson
Партрэт Генры Гудзона. Энцыклапедыя ўсеагульнай гісторыі, 1885.
Род дзейнасці падарожнік-даследчык, мараплавец
Дата нараджэння 1565
Месца нараджэння
Дата смерці не раней за 23 чэрвеня 1611
Месца смерці
Грамадзянства Англія
Прыналежнасць Каралеўства Англія і Рэспубліка Злучаных правінцый
Лагатып Вікісховішча Медыяфайлы на Вікісховішчы

Генры Гудзон (Хадсан) (англ.: Henry Hudson; 12 верасня 1570 − 1611?) — англійскі мараплавец пачатку XVII стагоддзя. Яго дата і месца нараджэння дакладна не вядомыя, але, па некаторых здагадках,[крыніца?] ён нарадзіўся 12 верасня 1570 у Лондане.

У пошуках паўночнага марскога шляху з Атлантычнага акіяна ў Ціхі здзейсніў у 1607—1611 гадах чатыры паходы ў арктычныя шыроты. У 1607 годзе, маючы намер прайсці ў Ціхі акіян праз Паўночны полюс, падняўся да 80° 23' паўн. ш., адначасова адкрыўшы востраў Ян-Маен. У 1608 годзе няўдала спрабаваў знайсці праход паміж Шпіцбергенам і Новай Зямлёй. У 1609 годзе быў на службе ў галандскай Ост-Індскай кампаніі, накіраваўся спачатку ў Баранцава мора, а адтуль да берагоў Паўночнай Амерыкі для пошукаў Паўночна-заходняга праходу, абследаваў частку ўзбярэжжа мацерыка, адкрыў вусце р. Гудзон і падняўся па ёй на 250 км. У 1610 годзе прайшоў на захад пралівам (Гудзонаў) паміж Лабрадорам і Бафінавай Зямлёй, адкрыў шырокі заліў (Гудзон). У яго паўднёвай частцы (заліў Джэймс) карабель Гудзона зазімаваў. У чэрвені 1611 года на зваротным шляху каманда ўзбунтавалася. Гудзон з сынам і 7 ​​маракамі былі высаджаныя з карабля ў шлюпку, прапалі без вестак.

Зноскі