Георгій Аляксандравіч Суджаеў

Георгій Аляксандравіч Суджаеў
Дата нараджэння	18 кастрычніка 1919(1919-10-18)
Месца нараджэння	Астрахань, Астраханская губерня, РСФСР
Дата смерці	27 лютага 2004(2004-02-27) (84 гады)
Месца смерці	Мінск, Беларусь
Месца пахавання	могілкі Калодзішчы
Грамадзянства	СССР  Беларусь
Род дзейнасці	навуковец
Навуковая сфера	эпідэміялогія
Месца працы	Міністэрства аховы здароўя БССР Беларускае Таварыства Чырвонага Крыжа Рэспубліканскі навукова-практычны цэнтр эпідэміялогіі і мікрабіялогіі
Навуковая ступень	доктар медыцынскіх навук (1973)
Альма-матар	Беларускі медыцынскі інстытут (1945) Саратаўскі медыцынскі інстытут (1941)
Узнагароды

Георгій Аляксандравіч Суджа́еў (18 кастрычніка 1919, Астрахань — 27 лютага 2004) — вучоны ў галіне эпідэміялогіі, доктар медыцынскіх навук (1973).

Біяграфія

Нарадзіўся ў горадзе Астрахань. У 1941 годзе скончыў Саратаўскі медыцынскі інстытут. Удзельнік Вялікай Айчыннай вайны. У 1945 годзе скончыў Мінскі медыцынскі інстытут. У 1945—1947 гадах працаваў старшым інспектарам па дэзінфекцыйнай справе Міністэрства аховы здароўя БССР, у 1947—1950 гадах — начальнікам санітарна-эпідэмічнага атрада Беларускага таварыства Чырвонага Крыжа, у 1950—1960 гадах — галоўным урачом санітарна-эпідэміялагічнай станцыі Сталінскага (Заводскага) раёна Мінска. У 1961—1969 гадах займаў пасаду загадчыка аддзелам дзіцячых інфекцый Беларускага навукова-даследчага інстытута эпідэміялогіі, мікрабіялогіі і гігіены. У 1971—1985 гадах — бактэрыёлаг асабліва небяспечных інфекцый Беларускай рэспубліканскай санітарна-эпідэміялагічнай станцыі.

Памёр 27 лютага 2004 года. Пахавана на могілках «Калодзішчы».

Навуковая дзейнасць

Аўтар навуковых прац па эпідэміялогіі, мікрабіялогіі асабліва небяспечных хвароб жывёлы і чалавека.

Узнагароды

• Ордэн Айчыннай вайны II ступені (1985).

Літаратура

• Суджа́еў Георгій Аляксандравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 250. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
• Суджаеў Георгій Аляксандравіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 33. — 583 с., іл. — 10 000 экз.
• Руководители санитарно-эпидемиологическойслужбы Республики Беларусь / Мелешко, Л. С., Филонов, В. П. — Мн.: Тэхналогія, 2001. — С. 60—61. — 302, [1] с.; 25 см. — ISBN 985-458-052-0/ (руск.)

Спасылкі

• Здравоохранение Беларуси: знаменательные и юбилейные даты. 2009 год (руск.) / Сост. Н. Ф. Змачинская, Л. В. Хлус. — Мн.: Музей гісторыі медыцыны Беларусі, РНМБ Міністэрства аховы здароўя Рэспублікі Беларусь, 2009. — С. 122—123. — 172 с.
• Здравоохранение Беларуси: знаменательные и юбилейные даты. 2019 год / Сост. А. М. Городович, В. Л. Сысоева. — Минск: РНМБ, 2019. — С. 45. — 56 с.] (руск.)