Георгій Мікалаевіч Маліноўскі

Георгій Мікалаевіч Маліноўскі
Дата нараджэння	9 снежня 1942(1942-12-09)
Месца нараджэння	Брычэнь, Брычанскі раён[d]
Дата смерці	5 сакавіка 2021(2021-03-05) (78 гадоў)
Род дзейнасці	педагог
Месца працы	Магілёўскі дзяржаўны прафесійны агралесатэхнічны каледж імя К. П. Арлоўскага[d]
Альма-матар	МДУ імя А. А. Куляшова (1969)
Узнагароды	Ганаровы грамадзянін Магілёва (2013)

Георгій Мікалаевіч Маліноўскі (9 снежня 1942, Брычэнь, Малдова — 5 сакавіка 2021) — беларускі педагог, шматгадовы дырэктар прафесійнага агралесатэхнічнага каледжа імя К. П. Арлоўскага. Быў заснавальнікам Магілёўскага заасаду і ініцыятарам стварэння музейна-гістарычнай экспазіцыі пад адкрытым небам на тэрыторыі каледжа.

Біяграфія

Нарадзіўся 9 снежня 1942 года ў сяле Брычаны Брычанскага раёна Малдаўскай ССР. У 1969 годзе скончыў Магілёўскі педагагічны інстытут па спецыяльнасці «гісторыя і грамадазнаўства». З 1987-га года і да самай смерці Георгій Маліноўскі працаваў дырэктарам Магілёўскага дзяржаўнага ордэна Працоўнага Чырвонага Сцяга прафесійнага агралесатэхнічнага каледжа імя К. П. Арлоўскага.

Г. Маліноўскі быў заснавальнікам Магілёўскага заасаду. Дзякуючы яму ў каледжы з’явілася музейна-гістарычная экспазіцыя пад адкрытым небам, прысвечаная вызваленню Магілёва і вёскі Буйнічы: на тэрыторыі каледжа адкапалі дзот.

Узнагароды

Маліноўскі узнагароджаны ордэнам Пашаны, медалём «За працоўныя заслугі», нагрудным знакам «За заслугі ў развіцці прафтэхадукацыі», шматлікімі ганаровымі граматамі ўрада. Ён заслужаны работнік адукацыі, «Чалавек года» Магілёўшчыны — 2002, унесены ў Кнігу славы Магілёўшчыны ў 2009 годзе. З 2013 года Георгій Маліноўскі з’яўляецца Ганаровым грамадзянінам Магілёва — на плошчы Зорак ёсць яго імянная зорка.

Спасылкі

• МАЛИНОВСКИЙ Георгий Николаевич (руск.)
• Прохорович Петр Васильевич открывает Республиканский конкурс профессионального мастерства среди сельских училищ. Малиновский Георгий Николаевич -директор ПТУ № 1 г Могилева,Толмачев Евгений Николаевич, Малашевич Владимир Владимирович (Буйничи) (руск.)
• Водны маршрут з «варагаў у грэкі» па Магілёўшчыне будзе стартаваць у Александрыі
• НА 79-М ГОДЗЕ ПАЙШОЎ З ЖЫЦЦЯ ГЕОРГІЙ МІКАЛАЕВІЧ МАЛІНОЎСКІ