Герасім (мітрапаліт Кіеўскі)

Герасім
Мітрапаліт Кіеўскі і ўсяе Русі 1433 — 1435
Царква	Канстанцінопальская праваслаўная царква
Папярэднік	Мітрапаліт Фоцій
Пераемнік	Мітрапаліт Ісідар
Дзейнасць	мітрапаліт, прэсвітар
Нараджэнне	XIV стагоддзе
Смерць	26 ліпеня 1435(1435-07-26) Віцебск
Медыяфайлы на Вікісховішчы

Гера́сім (? — 26 ліпеня 1435) — праваслаўны царкоўны дзеяч ВКЛ.

З 1417 г. епіскап смаленскі. У 1432—35 гг. мітрапаліт літоўскі. Паводле некаторых летапісаў, меў тытул «мітрапаліт кіеўскі і ўсяе Русі». Аднак улада Герасіма абмяжоўвалася тэрыторыяй ВКЛ і некаторых суседніх усходне-славянскіх зямель (напрыклад, Пскова), бо ў 1433 г. галавой праваслаўнай царквы Маскоўскай дзяржавы з такім жа тытулам «мітрапаліт Кіеўскі і ўсяе Русі» быў абраны разанскі епіскап Іона.

Герасім быў пасвячоны ў мітрапаліты ў Канстанцінопалі патрыярхам Іосіфам па просьбе вялікага князя літоўскага Свідрыгайлы. Працягваў жыць у Смаленску.

Рымскі Папа Яўген IV спадзяваўся з дапамогай Герасіма падпісаць унію з праваслаўнай царквой ВКЛ.

З пачаткам у 1432 г. вайны паміж Свідрыгайлам і Жыгімонтам Кейстутавічам Герасім быў на баку Свідрыгайлы, аднак у 1435 г. быў абвінавачаны апошнім у тайных зносінах з Жыгімонтам, арыштаваны і спалены на вогнішчы ў Віцебску. Расправа з Герасімам падарвала аўтарытэт Свідрыгайлы ў войску і садзейнічала яго паражэнню.

Літаратура

• Герасім // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. С. 169.
• Шереметевский В. В. Герасим (митрополит Литовский) // Русский биографический словарь : в 25-ти томах. — СПб.—М., 1896—1918. (руск.)

Спасылкі

• На Вікісховішчы ёсць медыяфайлы па тэме Герасім (мітрапаліт Кіеўскі)