Глеб Андрэевіч Рассадкін

З пляцоўкі Вікіпедыя
Jump to navigation Jump to search
Футбол
Глеб Рассадкін
Поўнае імя Глеб Андрэевіч Рассадкін
Нарадзіўся 5 красавіка 1995(1995-04-05)[1][2][3] (25 гадоў)
Грамадзянства Сцяг Беларусі Беларусь
Рост 179 см
Вага 74 кг
Пазіцыя нападнік
Інфармацыя пра клуб
Клуб Сцяг Беларусі Нёман
Нумар 13
Клубная кар’ера[* 1]
2011—2017 Сцяг Беларусі Дынама (Мінск) 56 (5)
2017—2018 Сцяг Украіны Зорка (Крапыўныцкы) 15 (1)
2018 →  Сцяг Беларусі Нёман (Гродна) 13 (1)
2019— Сцяг Беларусі Нёман (Гродна)
Нацыянальная зборная[* 2]
2010—2011 Сцяг Беларусі Беларусь (да 17) 9 (5)
2012—2013 Сцяг Беларусі Беларусь (да 19) 6 (1)
2012—2016 Сцяг Беларусі Беларусь (да 21) 17 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 сакавіка 2019.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 2 чэрвеня 2016

Глеб Рассадкін (нар. 5 красавіка 1995, Мінск) — беларускі футбаліст, нападнік гродзенскага «Нёмана».

Кар’ера[правіць | правіць зыходнік]

Клубная[правіць | правіць зыходнік]

Выхаванец мінскага «Дынама», з 2011 выступаў за дубль. У асноўнай камандзе дэбютаваў 12 мая 2012 у матчы супраць «Тарпеда-БелАЗ», на 84-й хвіліне замяніўшы Ёвана Дам’янавіча. Першы гол за «Дынама» забіў 26 верасня 2012 у матчы 1/8 фіналу Кубка Беларусі ў браму пінскай «Хвалі».

У сезоне 2013 у асноўным выступаў за дубль, зрэдку з’яўляючыся ў асноўнай камандзе. 4 ліпеня 2013 забіў свой першы гол у еўракубках (у браму літоўскай «Круоі» ў першым кваліфікацыйным раўндзе Лігі Еўропы).

Сезон 2014 распачынаў за дубль, а ўлетку стаў нярэдка прыцягвацца да матчаў асновы, часам з’яўляўся і ў стартавым складзе. 10 кастрычніка 2014 забіў свой першы гол у чэмпіянаце, які дазволіў дынамаўцам атрымаць перамогу над наваполацкім «Нафтанам» (2:0).

Сезон 2015 распачаў на лаўцы запасных, але пазней здолеў замацавацца ў стартавым складзе, дзе звычайна складаў звязку нападнікаў разам з Фатасам Бечыраем. У жніўні забіў за «Дынама» два важных гола — спачатку 10 жніўня дапамог у чэмпіянаце Беларусі перамагчы БАТЭ (1:0), а 20 жніўня адкрыў лік у матчы з аўстрыйскім «Рэд Булам» (2:0), чым дапамог дынамаўцам другі сезон запар выйсці ў групавы этап Лігі Еўропы.

Сезон 2016 распачаў у якасці асноўнага нападніка мінчан, але ў ліпені ў матчы Лігі Еўропы супраць «Сент-Патрыкс Атлетык» атрымыў траўму. Вярнуўся на поле ў кастрычніку, аднак стаў толькі выхадзіць на замену. У пачатку 2017 года быў адхілены ад асноўнай каманды мінчан і стаў выступаць за дубль. У ліпені 2017 года кантракт нападніка з «Дынама» быў разарваны[4].

У жніўні 2017 года праходзіў прагляд у луганскай «Зары», але беспаспяхова і пазней стаў іграком іншага ўкраінскага клуба — крапыўныцкай «Зоркі»[5]. Спачатку трывала выступаў у аснове, 9 снежня 2017 года адзначыўся трыма галявымі перадачамі ў матчы з адэскім «Чарнаморцам» (3:3). З красавіка 2018 года з-за праблем са здароўем перастаў з’яўляцца на полі.

У ліпені 2018 года трэніраваўся з жодзінскім «Тарпеда-БелАЗ»[6], пазней далучыўся да гродзенскага «Нёмана», які ў жніўні 2018 года ўзяў нападніка ў арэнду[7]. У складзе гродзенскай каманды стаў іграком стартавага складу.

З пачатку 2019 года, нягледзячы на заканчэнне арэнды, пачаў трэніравацца з гродзенцамі, у той час як «Зорка» знялася ў чэмпіянату Украіны ў Першай лізе. У сакавіку 2019 года падпісаў двухгадовы кантракт з «Нёманам»[8].

Міжнародная[правіць | правіць зыходнік]

Выступаў за юнацкія зборныя да 17 і 19 гадоў. У 2012—2016 гадах з’яўляўся іграком моладзевай зборнай Беларусі.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2011 дубль Дынама Сцяг Беларусі 5 2
2012 Д1 Дынама Сцяг Беларусі 5 0
2013 Д1 Дынама Сцяг Беларусі 4 0
2014 Д1 Дынама Сцяг Беларусі 9 1
2015 Д1 Дынама Сцяг Беларусі 19 2
2016 Д1 Дынама Сцяг Беларусі 19 2
2017 (1) дубль Дынама Сцяг Беларусі 10 6
2017/18 Д1 Зорка Сцяг Украіны 15 1
2018 (2) Д1 Нёман Сцяг Беларусі 13 1

Зноскі

  1. ↑ Gleb Rassadkin // Transfermarkt — 2000. Праверана 9 кастрычніка 2017.
  2. ↑ Gleb Rassadkin // FBref.com
  3. ↑ Gleb Rassadkin // As — Madrid: PRISA, 1967.
  4. ↑ Минское «Динамо» рассталось с Рассадкиным
  5. ↑ Глеб Рассадкин стал игроком украинской «Зирки»
  6. ↑ Рассадкин тренируется с «Торпедо-БелАЗ»
  7. ↑ «Неман» арендовал у «Зирки» Рассадкина
  8. ↑ Рассадкин подписал двухлетний контракт с "Неманом"

Спасылкі[правіць | правіць зыходнік]

Узята з "https://be.wikipedia.org/w/index.php?title=Глеб_Андрэевіч_Рассадкін&oldid=3756254"