Перайсці да зместу

Глен Ловенс

З Вікіпедыі, свабоднай энцыклапедыі
Футбол
Глен Ловенс
Агульная інфармацыя
Нарадзіўся 22 верасня 1983(1983-09-22)[1][2][…] (42 гады)
Грамадзянства
Рост 188 см
Вага 77 кг
Пазіцыя абаронца
Клубная кар’ера[* 1]
2001—2006 Феенорд 27 (0)
2003—2004 →  Эксельсіёр[d] 24 (2)
2004—2005 →  Дэ Графсхап[d] 11 (0)
2005—2006 →  Кардыф Сіці 33 (2)
2006—2008 Кардыф Сіці 67 (1)
2008—2012 Сэлтык 61 (8)
2012—2013 Рэал Сарагоса 21 (0)
2013—2018 Шэфілд Уэнсдэй[d] 131 (1)
2018—2019 Сандэрленд 11 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Лагатып Вікісховішча Медыяфайлы на Вікісховішчы

Глен Ловенс (нідэрл.: Glenn Loovens; нар. 22 кастрычніка 1983, Дутынхэм, Нідэрланды) — былы нідэрландскі футбаліст, абаронца. Мае на сваім рахунку толькі дзве гульні ў складзе нацыянальнай зборнай Нідэрландаў. У зборнай дэбютаваў у часе таварыскай сустрэчы са зборнай Японіі 5 верасня 2009 года.

Кар’ера

[правіць | правіць зыходнік]

«Феенорд»

[правіць | правіць зыходнік]

Ловенс ёсць выхаванец нідэрландскага клуба «Феенорд». Дэбют Глена ў першым складзе гэтага клуба адбыўся ў сезоне 2001—2002 у матчы супраць ПСВ. У гэтым жа годзе Ловенс разам з камандай стаў уладальнікам Кубка УЕФА, абыграўшы ў фінале на сваім хатнім стадыёне дортмундскую «Барусію» з лікам 3:2. Ягонымі партнёрамі па «Феернордзе» ў той час былі такія футбалісты, як Робін ван Персі, Ківард Спрокель, Ферн Снойль. Аднак у наступных сезонах Ловенс не змог скарыстацца такім паспяховым пачаткам кар’еры, саступіўшы месца ў асноўным складзе Патрыку Пааўвэ. На еўрапейскай арэне нідэрландзец упершыню выступіў у 19-гадовым узросце — дэбютам паслужыла гасцявая сустрэча «Феенорда» з кіеўскім «Дынама», якая адбылася 23 кастрычніка 2002 года на Алімпійскім стадыёне ў Кіеве ў рамках Лігі чэмпіёнаў.

Не маючы магчымасці даць Глену сталага месца ў складзе, клуб быў вымушаны наступныя тры гады аддаваць Ловенса ў арэнду ў іншыя каманды — «Эксельсіёр», «Дэ Графсхап» і «Кардыф Сіці».

«Кардыф Сіці»

[правіць | правіць зыходнік]

Сезон 2005—2006 Глен пачаў у англійскім клубе «Кардыф Сіці», які прадстаўляў Першы дывізіён[3]. Ловенс уразіў кіраўніцтва «ластавак» сваёй гульнёй, і праз некалькі месяцаў перамоў з нідэрландскім бокам было абвешчана, што «Сіці» выкупілі трансфер іграка за 250 тысяч фунтаў стэрлінгаў[4]. Першапачаткова партнёрам Глена па цэнтры абароны быў капітан «Кардыф Сіці» Дарэн Перс, аднак у сезоне 2007—2008 англічанін страціў месца ў аснове ў барацьбе з Роджэрам Джонсанам. Ловенс і яго новы «напарнік» сваёй выдатнай гульнёй дапамаглі «ластаўкам» дайсці да фіналу Кубка Англіі, дзе клуб прайграў «Портсмуту» з лікам 0:1. Сам Глен забіў гол у гэтай сустрэчы, аднак галоўны суддзя сустрэчы, Майк Дын, яго не залічыў[5].

У тым жа сезоне Ловенс згуляў свой 100-ы матч за «Кардыф Сіці» ў разнастайных афіцыйных турнірах. Гэта адбылося 12 сакавіка 2008 года ў матчы супраць «Хал Сіці»[6].

«Сэлтык»

[правіць | правіць зыходнік]

Улетку 2008 года Глен стаў аб’ектам цікавасці для іншых клубаў, сярод якіх галоўнымі прэтэндэнтамі на нідэрландца былі непрымірымыя супернікі з Шатландыі — «Сэлтык» і «Рэйнджэрс». Галоўны трэнер «рэйнджараў» Уолтэр Сміт, заявіўшы аб сваім жаданні займець у свае шэрагі Ловенса, зрабіў кіраўніцтву «Кардыф Сіці» прапанову аб куплі нідэрландца, на якое «ластаўкі» адказалі адмовай. 16 жніўня было абвешчана, што Глен падпісаў 4-гадовы кантракт з «Сэлтыкам», а сума адчэпных, выплачаных «кельтамі» «Кардыфу Сіці» склала 2,5 мільёну фунтаў стэрлінгаў. Ловенс, каментуючы свой пераход, заявіў, што «вырашальным фактарам для прыняцця такога рашэння быў удзел яго новага клуба ў Лізе чэмпіёнаў»[7][8].

Ужо 23 жніўня Глен дэбютаваў у бела-зялёнай футболцы клуба з Глазга — у сустрэчы, якая праходзіла на «Сэлтык Парк», «кельты» перамаглі «Фолкерк» з лікам 3:0[9]. Праз месяц пасля гэтага Лоёвенс забіў свой першы гол на шатландскай зямлі, забіўшы мяч у браму «Лівінгстана» ў матчы Кубка Лігі[10]. Нідэрландзец хутка замацаваўся ў асноўным складзе «Сэлтыка» стаўшы адным з незаменных ігракоў ахоўных парадкаў «бела-зялёных».

«Сарагоса»

[правіць | правіць зыходнік]

Па заканчэнні сезона 2011—2012 гадоў Глен пакінуў «Сэлтык» з прычыны заканчэння свайго кантракту з клубам. 17 ліпеня абаронца заключыў пагадненне з іспанскім калектывам «Рэал Сарагоса». Каб ажыццявіць гэты трансфер, Ловенс адхіліў прапановы англійскага «Блэкберн Роверс» і турэцкага «Бешыкташ»[11].

«Шэфілд Уэнсдэй»

[правіць | правіць зыходнік]

Ловенс падпісаў кароткатэрміновы кантракт у снежні 2013 года з клубам «Шэфілд Уэнсдэй» пасля кароткага знаходжання ў клубе на праглядзе. Свой кантракт потым ігрок падоўжыў да мая 2014 года[12].

Дасягненні

[правіць | правіць зыходнік]

«Феенорд»:

«Сэлтык»:

Крыніцы

[правіць | правіць зыходнік]
  1. ↑ Soccerway Праверана 16 чэрвеня 2019.
  2. ↑ National-Football-Teams.com
  3. ↑ «Фейеноорд» подписал 18-летнего нигерийца Архівавана 16 ліпеня 2012., Спорт-Экспресс
  4. ↑ «Cardiff City look to the Loovenator», Western Mail
  5. ↑ Cardiff 0-1 Portsmouth(недаступная спасылка), soccerbase.com
  6. ↑ Cardiff 1-0 Hull(недаступная спасылка), soccerbase.com
  7. ↑ «Celtic sign Loovens from Cardiff», BBC Sport
  8. ↑ «Селтик» приобрел защитника «Кардиффа», Sports.ru
  9. ↑ Celtic 3-0 Falkirk, soccerbase.com
  10. ↑ Celtic 4-0 Livingston(недаступная спасылка), soccerbase.com
  11. ↑ «Glenn Loovens closes in on Real Zaragoza move after quitting Celtic». Daily Record
  12. ↑ Loovens checks in. Sheffield Wednesday FC.

Спасылкі

[правіць | правіць зыходнік]

Узята з "https://be.wikipedia.org/w/index.php?title=Глен_Ловенс&oldid=5008784"