Глыбоцкі дэндралагічны сад
| Глыбоцкі дэндралагічны сад | |
|---|---|
 | |
| Асноўная інфармацыя | |
| Тып | дэндрарый і помнік прыроды рэспубліканскага значэння Беларусі[d] |
| Размяшчэнне | |
| 55°08′55″ пн. ш. 27°44′09″ у. д.HGЯO | |
 | |
 Медыяфайлы на Вікісховішчы | |
Глыбоцкі дэндралагічны сад — парк, помнік прыроды рэспубліканскага значэння ў Глыбоцкім раёне Віцебскай вобласці Беларусі.
Гісторыя
[правіць | правіць зыходнік]Першая назва дэндрарыя — «Дэндралагічны парк Глыбоцкага лясгаса», у красавіку 1985 года зменена на «Дэндралагічны сад Глыбоцкага лясгаса» або Дэндрасад.
Ідэя дэндралагічнага сада ўзнікла ў спецыялістаў лясгаса ў 1950-х гадах; заснавальнікам быў Віктар Антонавіч Ламака.[1] Праектаванне пачалося ў 1960 годзе аддзелам дрэўных раслін Інстытута біялогіі АН БССР. Планавалася на гэтай плошчы размясціць 158 відаў дрэўных і куставых парод.
10 лістапада 2025 года зменены межы, плошча, рэжым аховы Глыбоцкага дэндралагічнага сада[2].
Апісанне
[правіць | правіць зыходнік]Дэндрасад знаходзіцца за 2,5 км ад Глыбокага, каля вёскі Арэхаўна, займае тэрыторыю плошчай 8,2 гектара. У Дэндрасадзе няма пладовых дрэваў: 28 % калекцыі гэта віды з Далёкага Усходу і Азіі, таксама ёсць віды з Паўночнай Амерыкі, Крыма, Каўказа, паўднёва-ўсходняй часткі Заходняй Еўропы.
Асноўныя мэты дэндрасада:
- вывучэнне росту і развіцця ў Беларусі тэхнічна каштоўных і дэкаратыўных дрэў і кустарнікаў,
- адбор перспектыўных відаў і форм для ўкаранення ў лясныя культуры,
- азеляненне суседніх населеных пунктаў,
- атрыманне насення,
- стварэнне дэндралагічнай калекцыі.
Станам на 2021 год, у калекцыі дэндрасада 550 відаў дрэў, якія адносяцца да 102 родаў і 36 сямействаў.[3] Паводле рашэння Дзяржаўнага камітэта Рэспублікі Беларусь па экалогіі з 1991 года дэндралагічнаму саду нададзены статус дзяржаўнага помніка прыроды рэспубліканскага значэння.
Жывая калекцыя дрэў — галоўнае дасягненне дэндрасада. Расліны аднаго віду высаджаны звычайна біягрупамі, колькасць дрэў у іх 5—10, кустарнікаў 10-20. Каля 15 % — хваёвыя пароды, астатнія лісцевыя.[4]
Алея вербаў шарападобных, лотасы
Памятны камень: парк закладзены з нагоды 50-годдзя Вялікага Кастрычніка (1967 год)
Хвоя звычайная ў Глыбоцкім дэндрасадзе
Крыніцы
[правіць | правіць зыходнік]- ↑ http://glubmusej.by/be/nasha-spadchyna/pamyatnyya-myastsiny/dendralagichny-sad-glybotskaga-lyasgasa?filter_tag[0]=
- ↑ Постановление Министерства природных ресурсов и охраны окружающей среды Республики Беларусь от 16 октября 2025 года № 55 «О преобразовании памятника природы республиканского значения Глубокский дендрологический сад». pravo.by.
- ↑ Архіўная копія(недаступная спасылка). Архівавана з першакрыніцы 9 лютага 2022. Праверана 9 лютага 2022.
- ↑ http://pridvinie.vlib.by/index.php/zapavedniki-zakazniki-parki/2546-dendralagichny-sad-glybotski-rajon
Літаратура
[правіць | правіць зыходнік]- Государственное опытное лесохозяйственное учреждение «Глубокский опытный лесхоз», брошюра.