Гней Пампей Трог

Гней Пампей Трог
Гней Пампей Трог
	лац.: Gnaeus Pompeius Trogus
Імя пры нараджэнні	лац.: Gnaeus Pompeius Trogus
Род дзейнасці	пісьменнік, гісторык, палітык
Дата нараджэння	I стагоддзе да н.э.
Месца нараджэння	Вазіа, Трансальпійская Галія
Дата смерці	не пазней за I стагоддзе
Грамадзянства	Старажытны Рым;
	Медыяфайлы на Вікісховішчы

Гней Пампей Трог (лац.: Gnaeus Pompeius Trogus; I стагоддзе) — старажытнарымскі гісторык, складальнік «Філіпавай гісторыі» ў 44 кнігах^[1].

Біяграфія

Гней Пампей Трог нарадзіўся ў горадзе Вазіа (фр.) (лац.: Vasio Vocontiorum) ў Трансальпійскай Галіі (цяпер — Везон-ла-Рамен, Францыя). Яго дзед, з племя ваконціяў, служыў пад камандаваннем Гнея Пампея Вялікага ў вайне супраць Серторыя і пасля гэтага атрымаў рымскае грамадзянства і номен Пампей. Бацька ж Трога служыў пры Цэзары сакратаром і перакладчыкам.

Вядома, што Трог пісаў на аснове прац Арыстоцеля і Тэафраста кнігі пра натуральную гісторыю раслін і жывёл, якія часта цытуе Пліній Старэйшы. Аднак яго галоўнай працай была «Філіпава гісторыя» ў 44 кнігах, галоўнай тэмай якой з'яўляецца македонскі цар Філіп II, эпоха Аляксандра Вялікага і дыядохаў. Усё сачыненне ахоплівае эпоху ад асірыйскага цара Ніна да часоў Трога.

Ад 44 кніг захаваліся толькі «Prologoi», кароткі змест асобных кніг і вытрымкі, зробленыя Маркам Юніянам Юстынам. Рымская гісторыя практычна не закранута да часу, калі Грэцыя і Усход уступілі ў кантакт з Рымам. Пры напісанні «Філіпавай гісторыі» Трог выкарыстоўваў працы Герадота, Ктэсія, Эфара, Тымея, Палібія, Дыядора і іншых аўтараў.

Крыніцы

↑ Большая Советская энциклопедия. Гл. ред. А. М. Прохоров, 3-е изд. Т. 26. Тихорецк — Ульяново. 1977. 624 стр., илл.; 46 л. илл. и карт. (стб. 693—694)

Літаратура

Марк Юниан Юстин. Эпитома сочинения Помпея Трога «Historiae Philippicae». — СПб.: Изд-во С.-Петерб. ун-та, 2005.
Трог Помпей // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
John C. Yardley, Waldemar Heckel, Justin: Epitome of the Philippic History of Pompeius Trogus. Vol. I, Books 11-12: Alexander the Great. Oxford 1997 (siehe vor allem die dortige Einleitung).
Otto Seel, Pompeius Trogus und das Problem der Universalgeschichte. In: Aufstieg und Niedergang der römischen Welt. Bd. II 30,2. Berlin-New York 1982, S. 1363—1423.

Спасылкі

Марк Юніян Юстын. Эпітама сачынення Пампея Трога «Гісторыя Філіпа» на рускай мове

[bse26-1] Большая Советская энциклопедия. Гл. ред. А. М. Прохоров, 3-е изд. Т. 26. Тихорецк — Ульяново. 1977. 624 стр., илл.; 46 л. илл. и карт. (стб. 693—694)

[1]