Карынф

Горад
Карынф
Κόρινθος
37°56′19″ пн. ш. 22°55′38″ у. д.
Краіна	Грэцыя
Гісторыя і геаграфія
Вышыня цэнтра	10 м
Насельніцтва
Насельніцтва	▲30 816 чал. (2021)
Лічбавыя ідэнтыфікатары
Тэлефонны код	2741
Паштовы індэкс	20131, 20132 і 20150
korinthos.gr (грэч.)
Паказаць/схаваць карты
Карынф
Медыяфайлы на Вікісховішчы

Карынф (грэч. Κόρινθος) — старажытнагрэчаскі поліс і сучасны горад на Істмійскім перашыйку, які злучае Сярэднюю Грэцыю і Пелапанес. Пасяленне з’явілася ў неаліце, каля 6000 да н.э.

Сучасны Карынф размяшчаецца ў 78 км ад Афін. Ён адбудаваны пасля землятрусу 1858 года. Насельніцтва: 35 тыс. чалавек.

Гісторыя

У старажытнасці — горад-дзяржава (поліс). Заснаваны, верагодна, у 9 ст. да н.э. дарыйцамі. У 8—7 ст. да н.э. буйны гандлёвы і рамесніцкі цэнтр (вырабы з бронзы і керамікі), стварыў калоніі Сіракузы, Керкіра, Патыдэя і інш. У 7—6 ст. да н.э. дасягнуў найбольшага росквіту. У канцы 6 ст. да н.э. ўступіў у Пелапанескі саюз, удзельнічаў у грэка-персідскіх войнах 500—449 да н.э. Супярэчнасці паміж Афінамі і Карынфам былі адной з прычын Пелапанескай вайны (431—404 да н.э.). Вёў Карынфскую вайну (395—387 да н.э.). У 243 да н.э. ўвайшоў у Ахейскі саюз.

У 146 да н.э. захоплены і разбураны рымлянамі, у 46 да н.э. адбудаваны, з 27 да н.э. галоўны горад рымскай правінцыі Ахая. У 51 н.э. заснавана першая хрысціянская абшчына. У 395 разбураны вестготамі, у 521 — моцным землетрасеннем. Пасля аднаўлення (522—523) — крэпасць. З 1205 пад уладай Візантыі, у 1455—1822 у складзе Асманскай імперыі.

Сучасны Карынф адбудаваны за 6 км на паўднёвы захад ад старажытнага пасля моцнага землетрасення 1858 года. З 1896 года вядуцца рэіулярныя археалагічныя раскопкі.

Насельніцтва

Год Колькасць 1861 1 515 1879 2 649 1889 4 124 1896 4 188 Год Колькасць 1907 5 340 1920 6 141 1928 9 944 1940 12 715 Год Колькасць 1951 17 728 1961 15 892 1971 20 773 1981 22 658 Год Колькасць 1991 28 071 2001 30 434 2011 30 176 2021 30 816

Славутасці

Карынф

• Храм Апалона (каля 550 да н.э.).
• Рымская агара (15 н.э.).
• Грэчаскія і рымскія жыллёвыя кварталы, храмы, адэон, тэатр рымСкіх часоў.
• Антычныя і сярэдневяковыя ўмацаванні на гары Акракарынф.
• Руіны свяцілішча Пасейдона (5 ст. да н.э.).
• Руіны стадыёна пач. 4 ст. да н.э.
• Руіны рымскага тэатра і тэрмаў.
• Крэпасць Юстыніяна 6 ст., рэшткі антычных і сярэдневяковых абарончых збудаванняў.

Гарады-пабрацімы

•  Buccino^[d], Італія
•  Абілін, ЗША
•  Лугаж, Румынія (17 ліпеня 2012)^[…]
•  Сіракуза, Італія
•  Ягодзіна^[d], Сербія

Літаратура

• Карынф // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).