Эйшышкес

З пляцоўкі Вікіпедыя
(Пасля перасылкі з Горад Эйшышкес)
Перайсці да: рух, знайсці
Горад
Эйшышкес
літ.: Eišiškės
Герб
Герб
Eišiškėsbažn4.JPG
Краіна
Павет
Раён
Каардынаты
Заснаваны
Першае згадванне
Ранейшыя назвы
Эйшышкі
Горад з
Плошча
Насельніцтва
3 575 чалавек (2010)
Шчыльнасць
511 чал./км²
Часавы пояс
Паштовы індэкс
LT-17017
Эйшышкес на карце Літвы
Эйшышкес (Літва)
Эйшышкес

Э́йшышкес (літ.: Eišiškės), традыцыйная беларуская назва — Эйшы́шкі — горад у Літве, на рацэ Вярсяка. Уваходзяць у склад Шальчынінкайскага раёна Вільнюскага павета. Насельніцтва 3575 чал. (2010). Знаходзяцца за 33 км ад Шальчынінкая, у 70 км на паўднёвы захад ад Вільнюса, каля граніцы з Беларуссю; на аўтамагістралі Вільнюс — Гродна.

Эйшышкі — былое магдэбургскае мястэчка гістарычнай Лідчыны (частка Віленшчыны), на беларускай этнічнай тэрыторыі.

Назва[правіць | правіць зыходнік]

Паводле падання з Хронікі Быхаўца тапонім «Эйшышкі»[1] ўтварыўся ад імя міфічнага князя жамойцкага Эйкшыса[2]. Варыянты назвы паселішча ў гістарычных крыніцах: Wesisken і Eykschissken (1384), Eyksiskindorfee (1387), Eyxyszki (1492), Ejszyszki (1400), Ейшышки (1470).

Гісторыя[правіць | правіць зыходнік]

Існуе версія, што паселішча было заснаванае ў 1070 г. Эйшысам, палкаводцам літоўскага князя Эрдзівіла[3]. Першы пісьмовы ўспамін пра Эйшышкі датуецца 1384 і змяшчаецца ў дамове паміж вялікім князем Вітаўтам і Тэўтонскім ордэнам. Тым часам паводле сведчання гісторыка і этнографа першай паловы XIX ст. Іосіфа Ярашэвіча, на яўрэйскіх могілках мястэчка знаходзіўся надмагільны камень з надпісам 1170. У 1398 у Эйшышках збудавалі першы касцёл. З 1524 дзейнічала школа.

У часы Трынаццацігадовай вайны (16541667) у 1655 Эйшышкі захапіла і ўшчэнт зруйнавала войска Маскоўскай дзяржавы, другі раз мястэчка спалілі шведы ў Вялікую Паўночную вайну.

У XVII ст. кароль і вялікі князь Ян Сабескі надаў Эйшышкам Магдэбургскае права і герб[4] (адноўленае Станіславам Аўгустам у 1792). Праз мястэчка праходзіў важны гандлёвы шлях з Вільні ў Кракаў. Станам на 1738 тут было 56 будынкаў. У 2-й пал. XVIII ст. існавалі школа і ратуша. У 1791 Эйшышкі сталі цэнтрам павета Віленскага ваяводства1793 у Мерацкім ваяводстве)[5].

У выніку трэцяга падзелу Рэчы Паспалітай (1795) Эйшышкі апынуліся ў складзе Расійскай імперыі, у Лідскім павеце Віленскай губерні. Станам на 1814 у мястэчку было 67 будынкаў, на 1829 — 101 (18 хрысціянскіх і 83 іўдзейскія), на 1863 — 103. У 1866 працавалі 4 бровары, 2 гарбарні, вадзяны млын. У XIX ст. каля Эйшышак дзейнічала тэлеграфная станцыя на лініі Варшава — Санкт-Пецярбург. У 18471852 паводле праекту Тэадора Нарбута тут збудавалі мураваны касцёл Ушэсця Гасподняга. Паводле звестак за 18521853 у Эйшышках налічвалася 40 цэхавых рамеснікаў і найбольшая сярод мястэчак Лідчыны колькасць рамесных спецыяльнасцей.

У Першую сусветную вайну Эйшышкі занялі нямецкія войскі. Увосень 1918 тут сфарміравалася самаабарона — польская ваенная арганізацыя, мэтай якой была абарона мястэчка ад бальшавікоў. Узначаліў яе капітан Казімір Ільцэвіч[6]. 7 чэрвеня 1919 Эйшышкі разам з усім Лідскім паветам увайшлі ў склад Віленскай акругі Грамадзянскай Управы Усходніх Земляў — часовай польскай адміністрацыйнай адзінкі[7]. Урад Беларускай Народнай Рэспублікі фармальна лічыў мястэчка часткай сваёй тэрыторыі, як і бальшавікі — часткай БССР.

Згодна з Рыжскім мірным дагаворам (1921) Эйшышкі апынуліся ў складзе міжваеннай Польскай Рэспублікі, дзе сталі цэнтрам гміны. За польскім часам мястэчка называлі «Віленскім прадмесцем», бо перакупнікі з Вільні прыязджалі сюды набываць разнастайныя прадукты[8].

У 1939 Масква перадала Эйшышкі Літве. 3 жніўня 1946 паселішча атрымала статус горада. У 1950 Эйшышкес стаў цэнтрам раёна (з 1972 у Шальчынінкайскім раёне).

Насельніцтва[правіць | правіць зыходнік]

Адукацыя[правіць | правіць зыходнік]

У Эйшышкесе працуюць 3 сярэднія, музычная і спартыўная школы, дашкольныя ўстановы.

Культура і спорт[правіць | правіць зыходнік]

Дзейнічаюць бібліятэка, 2 спартыўныя залы.

Турыстычная інфармацыя[правіць | правіць зыходнік]

Славутасці[правіць | правіць зыходнік]

Страчаная спадчына[правіць | правіць зыходнік]

Галерэя[правіць | правіць зыходнік]

Гарады-пабрацімы[правіць | правіць зыходнік]

Цікавыя факты[правіць | правіць зыходнік]

  • У паваенны час у Эйшышкесе працаваў беларускі ксёндз Уладзіслаў Чарняўскі
  • У 2004 каля Эйшышкесе пагранічнікі выявілі трубаправод рэкорднай даўжыні — 3 км, прызначаны для кантрабанды спірту з Беларусі ў Літву[13].

Зноскі

  1. Эйшышкі // Шаблон:Крыніцы/Слоўнік беларускай мовы (класічны правапіс, 2001)
  2. Хроніка Быхаўца
  3. І. Соркіна (2008)
  4. Уладзімір Міхневіч. Эйшышкі — на старадаўнім тракце з Вільні ў Кракаў праз Варшаву // «Беларуская рэдакцыя Польскага Радыё», 10 красавіка 2009.
  5. Эйшышкскі павет // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. С. 767.
  6. Lech Wyszczelski. Wojna polsko-rosyjska 1919—1920. Wyd. 1. — Warszawa: Bellona, 2010. S. 47-48.
  7. Dz. Urz. ZCZW z 1919 r. Nr 5, poz. 41.
  8. Мірон Брaніслаў Нарбут. Ліда і лідзяне // «Zіemіa Lіdzka», 1997.
  9. Іна Соркіна. Мястэчкі Лідскага ўезда ў XIX — пачатку ХХ ст. // Ліда і Лідчына: да 685-годдзя з дня заснавання горада: матэрыялы рэспуб. навук.-практ. канф., (Ліда, 3 кастр. 2008 г.) / рэдкал.: Худык А. П. (гал. рэд.). — Ліда, 2008.
  10. Ejszyszki // Słownik geograficzny Królestwa Polskiego i innych krajów słowiańskich.Tom XI: Sochaczew — Szlubowska Wola. — Warszawa, 1890. S. 319.
  11. Соркіна I. Мястэчкі Беларусі ў канцы ХVІІІ — першай палове ХІХ ст. — Вільня: ЕГУ, 2010. С. 380.
  12. Эйшишки // Географическо-статистический словарь Российской империи. T. 5: Таарджалъ — Яя. — СПб, 1885. С. 849.
  13. Таццяна Поклад. Памежнікі знайшлі яшчэ адзін спіртавод на беларуска-літоўскай мяжы // «Радыё Свабода», 13 красавіка 2005.

Літаратура[правіць | правіць зыходнік]

Спасылкі[правіць | правіць зыходнік]