Горнава (вадасховішча)

Горнава
Вадасховішча Горнава
Каардынаты: 52°05′25″ пн. ш. 26°13′07″ у. д.
Плошча	0,38 км²
Аб'ём	0,8 км³
Даўжыня берагавой лініі	3,68 км
Сярэдняя глыбіня	2,7 м
Плошча вадазбору	48,04 км²
Год напаўнення	1987
Горнава
Медыяфайлы на Вікісховішчы

Горнава (Горнава-2) — вадасховішча ў Пінскім раёне Брэсцкай вобласці. Пабудавана ў 1987 г. па праекту Палессегіправадгаспа. Знаходзіцца ў 8 км ад горада Пінска, побач з вёскай Горнава (на паўночна-заходняй мяжы вёскі).

Агульныя звесткі

Вадасховішча было пабудавана ў мэтах звільгатнення навакольных зямель і рыбаразвядзення.

Вадасховішча з’яўляецца наліўным, з сезонным рэгуляваннем. Напаўняецца за кошт сцёка вады з польдараў «Горнава», «Горнава-2», «Плешчыцы».

У заходняй частцы вадасховішча пакінута выспа, да якой пабудаваны пешаходны мост. На выспе маюцца малыя формы архітэктуры (у закінутым стане на красавік 2018 г.).

Поўны аб’ём вадасховішча дасягае 1,04 млн м³. Плошча вадазбора — 48,04 км.

Збудаванні

Гідравузел складаецца з наступных збудаванняў:

1. Дамба — земляная, даўжынёй 3680 м, насыпная, пашыранага профілю; заклад адхонаў: верхавога — 1:5, нізавога — 1:3.
2. Водазброс — трубчасты, дыяметрам 1,4 м, з агалоўкам каўшовага тыпу, забяспечвае расход вады 10,1 м³/сек.
3. Водавыпуск — трубчасты, тыповы, даўжыня трубы — 127 м, дыяметр — 0,3 м, разлічаны на пропуск вады з напорам 1,5 м³/сек.
4. Тры насосныя станцыі

За эксплуатацыю вадасховішча адказвае УП «Пінскае ПМС».

Вадасховішча выкарыстоўваецца ў сельскагаспадарчых мэтах для звільгатнення зямель. З’яўляецца папулярным месцам адпачынку, летняй і зімовай лоўлі рыбы.

Спасылкі

• На Вікісховішчы ёсць медыяфайлы па тэме Горнава (вадасховішча)
• Вадасховішча на сайце Feeder.by(недаступная спасылка)
• Горнава на Вікімапіі