Готландскі бой

З Вікіпедыі, свабоднай энцыклапедыі
Готландскі бой
Асноўны канфлікт: Усходні фронт Першай сусветнай вайны
Германскі мінны крэйсер Альбатрос, які выкінуўся на бераг пасля бою з рускімі крэйсерамі.
Германскі мінны крэйсер Альбатрос, які выкінуўся на бераг пасля бою з рускімі крэйсерамі.
Дата 19 чэрвеня (2 ліпеня1915 года
Месца Балтыйскае мора
Вынік Перамога Расійскай імперыі
Праціўнікі
Германская імперыя
Германскі імперскі флот
Расія
Балтыйскі флот
Вялікабрытанія
Брытанская падводная флатылія ў Балтыйскім моры
Камандуючыя
Германская імперыя камадор Яганес фон Карпф Расія адмірал Міхаіл Бахіраў
Сілы бакоў
крэйсеры «Раон», «Аўгсбург», «Любек», мінны загараджальнік «Альбатрос», 7 мінаносцаў крэйсеры «Адмірал Макараў», «Баян», «Волат», «Алег», «Рурык», 9 эсмінцаў

Дадаткова: падводная лодка E9
Страты
мінны загараджальнік «Альбатрос» (2208 тон)
пашкоджаны два крэйсеры
Лагатып Вікісховішча Медыяфайлы на Вікісховішчы

Го́тландскі бой — марскі бой паміж 1-й брыгадай крэйсераў Балтыйскага флоту і атрадам нямецкіх караблёў, які адбыўся 19 чэрвеня 1915 года ў Балтыйскім моры, каля вострава Готланд.

Бітва[правіць | правіць зыходнік]

18 чэрвеня 1915 года рускія крэйсеры «Адмірал Макараў», «Баян», «Волат», «Алег», «Рурык», эсмінец «Новік», а таксама 8 эсмінцаў пад камандаваннем контр-адмірала Бахірава выйшлі ў мора для абстрэлу Мемеля. У той жа дзень атрад германскіх караблёў (крэйсеры «Раон», «Аўгсбург» (сцяг камадора Карпфа) і «Любек», мінны крэйсер «Альбатрос», 7 мінаносцаў) выйшаў для пастаноўкі мін у Аба-Аландскім раёне. Паставіўшы загароду, Карпф паведаміў па радыё на базу аб выкананні задачы. Гэтая радыёграма была перахопленая рускай службай сувязі, расшыфраваная і перададзена Бахіраву, пасля чаго той аддаў загад ісці на перахоп нямецкіх караблёў.

19 чэрвеня ў 7:30 рускія караблі выявілі ля вострава Готланд «Аўгсбург», «Альбатрос» і 3 эсмінца (крэйсеры «Раон» і «Любек» з 4 эсмінцамі ў гэты час ішлі ў Лібаву) і адкрылі па іх агонь. Карпф, ацаніўшы становішча, загадаў «Раону» і «Любеку» вярнуцца да атрада, «Альбатросу» схавацца ў шведскіх тэрытарыяльных водах, а сам на «Аўгсбургу» стаў адыходзіць на поўдзень. Рускія крэйсеры «Волат» і «Алег» артылерыйскім агнём падпалілі «Альбатрос» і прымусілі яго выкінуцца на бераг ля вострава Эстэргорн.

Рускія крэйсеры накіраваліся ў Фінскі заліў на сваю базу. Каля 10 гадзін яны сустрэлі «Раон», «Любек» і 4 эсмінцы. Кароткачасовая артылерыйская дуэль не дала перавагі ні аднаму з бакоў. Адчуваючы недахоп у снарадах, рускія крэйсеры пачалі адыходзіць, але праціўнік, расцаніўшы гэты манеўр як спробу рускіх паставіць яго пад удар больш значных сіл, выйшаў з бою. У 10 гадзін 30 хвілін германскія караблі сустрэлі выкліканы ў раён бою «Рурык». Адкрыўшы агонь, ён дамогся траплення ў «Раон», але, ухіляючыся ад атакі падводнай лодкі, страціў яго ў тумане, адмовіўся ад пошуку і накіраваўся ў Фінскі заліў.

Немцы паслалі на дапамогу свайму атраду крэйсеры «Прынц Адальберт» і «Прынц Генрых». «Прынц Адальберт» быў тарпедаваны брытанскай падлодкай E9 і выйшаў са строю.

Літаратура[правіць | правіць зыходнік]

Спасылкі[правіць | правіць зыходнік]