Готфрыд Хонегер

Готфрыд Хонегер
Дата нараджэння	12 чэрвеня 1917(1917-06-12)[…]
Месца нараджэння	Цюрых, Цюрых, кантон Цюрых, Швейцарыя
Дата смерці	17 студзеня 2016(2016-01-17) (98 гадоў)
Месца смерці	Цюрых, Цюрых, кантон Цюрых, Швейцарыя
Грамадзянства	Швейцарыя
Жонка	Warja Lavater[d]
Род дзейнасці	мастак, мастак-гравёр, скульптар, ілюстратар, графік, калекцыянер
Месца працы	University of Dallas[d] Advico AG[d]
Жанр	абстракцыянізм
Вучоба	Kunstgewerbeschule[d]
Мастацкі кірунак	канкрэтнае мастацтва[d]
Узнагароды
Медыяфайлы на Вікісховішчы

Готфрыд Хонегер (ням.: Gottfried Honegger; 12 чэрвеня 1917, Цюрых — 17 студзеня 2016) — швейцарскі мастак, графік і скульптар, адзін з вядомых прадстаўнікоў канкрэтнага мастацтва.

Жыццё і творчасць

Пачынаў сваю творчую дзейнасць у 1938 годзе мастаком па рэкламе. Прыехаўшы ў Нью-Ёрк у 1957 годзе, дзе ён потым правёў тры гады, вёў жыццё вольнага мастака. З 1960 года жыў і працаваў у Парыжы, Канах і ў Цюрыху. У апошнія гады жыў у Цюрыху; ён быў у шлюбе з мастачкай-ілюстратарам Варай Лаватэр.

З’яўляўся прыхільнікам такіх плыняў, як канкрэтнае мастацтва і канструктывізм. Пачынаючы з сярэдзіны 1960-х гадоў, ствараў скульптуры для месцаў грамадскага карыстання. Яго працы можна ўбачыць на вуліцах і плошчах Цюрыха (Volume 18, 1968, і Struktur 28, 1970) і Вадуца (Division, 1989, і Monoform 29, 1991), у парку скульптур Гейдэльберга (Gelben Pliage C115, 20 Monoform 26) і інш.

У 1987 годзе ён становіцца адным з заснавальнікаў Фонду канструктыўнага і канкрэтнага мастацтва Цюрыха (Stiftung für Konstruktive und Konkrete Kunst Zürich). Сумесна з Сібілам Альберс-Бар’ер ён у 1990 г. адкрывае ў французскім Муан-Сартуа на Рыўеры Дом канкрэтнага мастацтва (Espace de l’Art Concret), у 1997 г., там жа — дзіцячае мастацкае атэлье Мастацтва, у 2004 годзе там жа для фонду Альберс-Ханегер быў пабудаваны будынак-музей.

Персанальныя выстаўкі работ Г. Хонегера ў перыяд з 1984 па 2010 г. прайшлі ў шэрагу музеяў і галерэй Еўропы, у тым ліку ў Парыжы, Цюрыху, Базелі, Вадуцы і інш.

У 1987 годзе мастак быў узнагароджаны мастацкай прэміяй Цюрыха. Яму таксама быў прысуджаны французскі ордэн Мастацтваў і літаратуры, а ў 2000 годзе — ордэн Ганаровага легіёна. Блізкі сябар Г. Хонегера, швейцарскі пісьменнік Макс Фрыш прысвяціў яму сваю п’есу «Трыпціхон».