Гран-Пры Канады 2014 года

Канадскі
	Этап 7 з 19 2014
	;
Дэталі гонкі
Дата	8 чэрвеня 2014
Афіцыйная назва	Formula 1 Grand Prix du Canada 2014
Месца	Аўтадром імя Жыля Вяльнёва; Манрэаль, Квебек, Канада
Трэк	Вулічная траса ; 4,361 км
Дыстанцыя	70 кругоў, 305,270 км
Надвор'е	Сонечна
Поўл-пазіцыя
Час	1:14,874
Найхутчэйшы круг
Час	1:18,504 на крузе 58
Подыум

Гран-пры Канады 2014 года (фр.: Formula 1 Grand Prix du Canada 2014, англ.: 2014 Canadian Grand Prix) - гоначны этап Чэмпіяната Свету ў класе Формула-1, які адбыўся 8 чэрвеня 2014 года на Аўтадроме імя Жыля Вяльнёва ў Манрэалі. Гран-пры Канады адзначыўся фінішам пад сэйфці-карам, што стала толькі шостым выпадкам у гісторыі Чэмпіянатаў Формулы-1.

Пілот аўстрыйскай каманды Red Bull Даніэль Рык'ярда стаў пераможцам гран-пры. Для Рык'ярда гэта была першая ў фармулічнай кар'еры перамога. Ён стаў чацвёртым аўстралійцам, які выйграў канадскі этап пасля Джэка Брэбэма, Алана Джонса і Марка Уэбера, на месца якога Рык'ярда прыйшоў у Red Bull у сезоне 2014 года.

Справаздача

Кваліфікацыя

Удзел у кваліфікацыі прымалі не ўсе пілоты. Эстэбан Гуцьерэз разбіў балід у трэцяй вольнай практыцы і пашкодзіў шассі, якое давялося аднаўляць на базе запаснога. Сцюарды дапусцілі яго да гонкі, але стартаваць дазволілі толькі з піт-лэйн.

Падчас першага сегмента кваліфікацыі Фернанда Алонса скардзіўся на маруднасць трэка для ўсіх пілотаў, у той час, як пілоты Mercedes працягвалі сваё дамінаванне ў кваліфікацыях. Льюіс Хэмілтан паказаў найлепшы час на мяккай гуме, а Ніка Розберг заняў трэцюю пазіцыю. Абодва ппілота каманды McLaren Кевін Магнусэн і Джэнсан Батан на суперсофце узняліся на другую і чацвёртую пазіцыі адпаведна. Некалькі пілотаў мелі невялікія інцыдэнты з вылетам з трасы, пакуль Маркус Эрыксан не разбіў свой балід ў дзявятым павароце. Сцюарды вырашылі спыніць кваліфікацыю за 20 секунд да канца першага сегмента. У выніку было вырашана не працягваць першы сегмент.

У другім сегменце добры старт паказаў Феліпэ Маса, чый вынік быў неўзабаве адціснуты на трэцюю пазіцыю пілотамі Mercedes. Па-за тройкай лідараў разгарнулася барацьба за першыя дзясяць пазіцый, у выніку чаго месцы з трэцяга па пятнаццатае падзяляла ўсяго адна секунда.

У пачатку трэцяга сегмента Ніка Розберг паказаў лепшы вынік гоначнаша ўік-энда, паказаўшы час хутчэйшы за 1 хвіліну 15 секунд. Хэмілтан не здолеў адпаведна адказаць, патрапіўшы ў трафік у трэцім сектары трасы. Па-за пілотамі Mercedes Себасцьян Фетэль здолеў паказаць трэці час - наперадзе пілотаў Williams, дзе Вальтэры Ботас пераўзышоў вынік свайго партнёра Феліпэ Масы. Даніэль Рык'ярда паказаў шосты час, Фернанда Алонса быў найлепшым з пілотаў Ferrari на сёмай пазіцыі. Жан-Эрык Вернь паказаў восьмы час, Джэнсан Батан - дзявяты. Замыкнуў фінальную дзясятку Кімі Райканен.

Гонка

Першая частка гонкі цалкам праходзіла пад лідарствам двух пілотаў Mercedes. Першы круг адзначыўся сыходам абодвух балідаў каманды Marussia і першым сыходам у сезоне непасрэдна для Макса Чылтана. Чылтан згубіў кантроль над балідам у трэцім павароце і сутыкнуўся са сваім партнёрам Жулем Б'яншы, якога адкінула на бар'еры. Абодва баліда былі моцна пашкоджаны, а іх рэшткі стваралі небяспеку на першым сектары. Дырэкцыя гонкі выпусціла машыну бяспекі, і наступныя шэсць кругоў гонкі прайшлі пад ёй. Чылтан, выніку, атрымаў штраф пяццю пазіцыямі на старце наступнай гонкі - Гран-Пры Аўстрыі.

У другой палове гонкі абодва пілота Mercedes падчас барацьбы за першую пазіцыю паведамілі аб зніжэнні магутнасці рухавікоў. Да іх хутка пачала набліжацца группа на чале з Феліпэ Масай. Губляючы час, Ніка Розберг і Льюіс Хэмілтан здзейснілі свае піт-стопы, што вывела Феліпэ Масу ў лідары гонкі. Розберг і Хэмілтан працягвалі сваю барацьбу за балідам Масы. Хэмілтан здолеў абагнаць Розберга, але неўзабаве страціў перавагу, зрабіўшы памылку тармажэнні пасля вялікай прамой. Пасля таго, як Маса паехаў на піт-стоп, Розберг зноў выйшаў у лідары. Хэмілтан неўзабаве сышоў с трасы з-за праблем з тармазамі, што было асноўнай прычынай яго няўдачы з абгонам Розберга.

Розберг працягваў лідаваць у гонцы, але з-за праблемы з магутнасцю рухавіка не здолеў нарошчваць перавагу. За Розбергам сфарміраваўся так званы "цягнік", які ўзначальваў Серхіа Перэс, за якім ішлі два Red Bull Даніэля Рык'ярда і Себасцьяна Фетэля. За 13 кругоў да фініша да гэтай групы далучыўся Феліпэ Маса, які паказваў лепшыя кругі ў гонцы пасля свайго піт-стопа. Перэс не змог абагнаць Розберга з-за састарэлай гумы на сваім балідзе, а таксама пастаянных атак з боку Рык'ярда. За тры круга да фініша Рык'ярда здолеў прайсці Перэса, а потым і высйці на першае месца ў гонцы, абагнаўшы больш павольны балід Ніка Розберга з дапамогай сістэмы DRS.

Перад апошнім кругам Себасцьян Фетэль здолеў абыйсці Серхіа Перэса, які застаўся сам-насам з больш хуткім балідам Феліпэ Масы. На выхадзе са стартавай прамой напачатку апошняга круга падчас спробы ажыццявіць абгон Маса ўрэзаўся ў заднія калёсы баліда Перэса, у выніку чаго абодва баліда былі адкінутыя ў бар'еры бяспекі. З-за гэтага інцыдэнта на трасу зноў была выпушчана машына бяспекі, і гонка скончылася пад жоўтымі сцягамі. Пасля гонкі было прынята рашэнне пакараць Серхіа Перэса за сутыкненне з Масай, бо Перэс змяняў траекторыю на прамой, намагаючыся не пусціць Масу наперад.

Джэнсан Батан фінішаваў чацвёртым, хоць пачынаў апошні круг на восьмай пазіцыі, але здолеў абысці за гэты час Фернанда Алонса і Ніка Хюлькенберга. Пасля сутыкнення Перэса і Масы, Батан адразу падняўся на чацвёртае месца.

Па выніках гонкі Ніка Розберг павялічыў ачковую перавагу над Льюісам Хэмілтанам, якая дасягнула 18 ачкоў. Даніэль Рык'ярда падняўся на трэцюю пазіцыю ў агульным заліку чэмпіяната.

Класіфікацыя

Кваліфікацыя

Паз.	Пілот	Канструктар	Q1	Q2	Q3	На старце
01	Ніка Розберг	Mercedes	1:16,471	1:15,289	1:14,874	01
02	Льюіс Хэмілтан	Mercedes	1:15,750	1:15,054	1:14,953	02
03	Себасцьян Фетэль	Red Bull Racing-Renault	1:17,470	1:16,109	1:15,548	03
04	Вальтэры Ботас	Williams-Mercedes	1:16,772	1:15,806	1:15,550	04
05	Феліпэ Маса	Williams-Mercedes	1:16,666	1:15,773	1:15,578	05
06	Даніэль Рык'ярда	Red Bull Racing-Renault	1:17,113	1:15,897	1:15,589	06
07	Фернанда Алонса	Ferrari	1:17,010	1:16,131	1:15,814	07
08	Жан-Эрык Вернь	Toro Rosso-Renault	1:17,178	1:16,255	1:16,162	08
09	Джэнсан Батан	McLaren-Mercedes	1:16,631	1:16,214	1:16,182	09
10	Кімі Райканен	Ferrari	1:17,013	1:16,245	1:16,214	10
11	Ніка Хюлькенберг	Force India-Mercedes	1:16,897	1:16,300	—	11
12	Кевін Магнусэн	McLaren-Mercedes	1:16,446	1:16,310	—	12
13	Серхіа Перэс	Force India-Mercedes	1:18,235	1:16,472	—	13
14	Раман Гражан	Lotus-Renault	1:17,732	1:16,687	—	14
15	Данііл Квят	Toro Rosso-Renault	1:16,938	1:16,713	—	15
16	Адрыян Зуціл	Sauber-Ferrari	1:17,519	1:17,314	—	16
17	Пастор Мальданада	Lotus-Renault	1:18,328	—	—	17
18	Макс Чылтан	Marussia-Ferrari	1:18,348	—	—	18
19	Жуль Б'яншы	Marussia-Ferrari	1:18,359	—	—	19
20	Камуі Кабаясі	Caterham-Renault	1:19,278	—	—	21¹
21	Маркус Эрыксан	Caterham-Renault	1:19,820	—	—	20
Час 107%: 1:21,052 хв. (ад найлепшага выніка К1 1:15,750 хв.)
НК²	Эстэбан Гуцьерэз	Sauber-Ferrari	няма часу	—	—	Піт-лэйн³
Крыніца: formula1.com^[1]

Заўвагі

↑ — Камуі Кабаясі атрымаў штраф у 5 пазіцый за па-за планавую замену скрыні перадач.
↑ — Эстэбан Гуцьерэз не ўдзельнічаў у кваліфікацыі, бо разбіў свой балід падчас трэцяй вольнай практыкі. Яго каманда не здолела аднавіць балід да старта кваліфікацыі^[2]. Яму было дазволена ўдзельнічаць у гонцы, бо у практыцы ён дэманстраваў вынікі, якія ўкладваліся ў 107% ад найлепшага часу.
↑ — Стартаваў з піт-лэйн

Гонка

Паз.	Пілот	Канструктар	Кругі	Час	Старт	Найхутчэйшы круг
01	Даніэль Рык'ярда	Red Bull Racing-Renault	70	1:39:12,830	06	1:18,640 (68)
02	Ніка Розберг	Mercedes	70	+ 4,236	01	1:18,881 (33)
03	Себасцьян Фетэль	Red Bull Racing-Renault	70	+ 5,247	03	1:19,171 (48)
04	Джэнсан Батан	McLaren-Mercedes	70	+ 11,755	09	1:18,759 (64)
05	Ніка Хюлькенберг	Force India-Mercedes	70	+ 12,843	11	1:18,936 (64)
06	Фернанда Алонса	Ferrari	70	+ 14,869	07	1:18,614 (64)
07	Вальтэры Ботас	Williams-Mercedes	70	+ 23,578	04	1:19,321 (52)
08	Жан-Эрык Вернь	Toro Rosso-Renault	70	+ 28,026	08	1:19,399 (56)
09	Кевін Магнусэн	McLaren-Mercedes	70	+ 29,254	12	1:18,819 (56)
10	Кімі Райканен	Ferrari	70	+ 53,678	10	1:18,529 (68)
11	Серхіа Перэс	Force India-Mercedes	69	DNF	13	1:19,491 (63)
12	Феліпэ Маса	Williams-Mercedes	69	DNF	05	1:18,504 (58)
13	Адрыян Зуціл	Sauber-Ferrari	69	+ 1 Круг	16	1:20,226 (66)
14	Эстэбан Гуцьерэз	Sauber-Ferrari	64	DNF	Піт-лэйн	1:20,112 (51)
–	Раман Гражан	Lotus-Renault	59	DNF	14	1:19,650 (54)
–	Данііл Квят	Toro Rosso-Renault	47	DNF	15	1:19,978 (43)
–	Льюіс Хэмілтан	Mercedes	46	DNF	02	1:18,942 (24)
–	Камуі Кабаясі	Caterham-Renault	23	DNF	21	1:23,130 (20)
–	Пастор Мальданада	Lotus-Renault	21	DNF	17	1:21,514 (21)
–	Маркус Эрыксан	Caterham-Renault	07	DNF	20	1:51,041 (07)
–	Макс Чылтан	Marussia-Ferrari	00	DNF	18	–
–	Жуль Б'яншы	Marussia-Ferrari	00	DNF	19	–
Крыніца: formula1.com^[3]

Пазіцыі пасля гонкі

Пазіцыі пілотаў

Паз.	Пілот	Канструктар	Ачкі
01	Ніка Розберг	Mercedes	140
02	Льюіс Хэмілтан	Mercedes	118
03	Даніэль Рык'ярда	Red Bull-Renault	79
04	Фернанда Алонса	Ferrari	69
05	Себасцьян Фетэль	Red Bull-Renault	60
06	Ніка Хюлькенберг	Force India-Mercedes	57
07	Джэнсан Батан	McLaren-Mercedes	43
08	Вальтэры Ботас	Williams-Mercedes	40
09	Кевін Магнусэн	McLaren-Mercedes	23
10	Серхіа Перэс	Force India-Mercedes	20
11	Феліпэ Маса	Williams-Mercedes	18

Паз.	Пілот	Канструктар	Ачкі
12	Кімі Райканен	Ferrari	18
13	Раман Гражан	Lotus-Renault	8
14	Жан-Эрык Вернь	Toro Rosso-Renault	8
15	Данііл Квят	Toro Rosso-Renault	4
16	Жуль Б'яншы	Marussia-Ferrari	2
17	Адрыян Зуціл	Sauber-Ferrari	0
18	Маркус Эрыксан	Caterham-Renault	0
19	Эстэбан Гуцьерэз	Sauber-Ferrari	0
20	Макс Чылтан	Marussia-Ferrari	0
21	Камуі Кабаясі	Caterham-Renault	0
22	Пастор Мальданада	Lotus-Renault	0

Пазіцыі канструктараў

Паз.	Канструктар	Ачкі
01	Mercedes	258
02	Red Bull Racing-Renault	139
03	Ferrari	87
04	Force India-Mercedes	77
05	McLaren-Mercedes	66
06	Williams-Mercedes	58

Паз.	Канструктар	Ачкі
07	Toro Rosso-Renault	12
08	Lotus-Renault	8
09	Marussia-Ferrari	2
10	Sauber-Ferrari	0
11	Caterham-Renault	0

Зноскі

↑ Афіцыйныя вынікі кваліфікацыі (нявызн.)(недаступная спасылка). Архівавана з першакрыніцы 8 чэрвеня 2014. Праверана 12 чэрвеня 2014. (англ.)
↑ Гуцьерэз прпусціць кваліфікацыю з-за пашкоджання шасі (нявызн.)(недаступная спасылка). Архівавана з першакрыніцы 10 чэрвеня 2014. Праверана 12 чэрвеня 2014. (англ.)
↑ Афіцыйныя вынікі гонкі (нявызн.). Праверана 12 чэрвеня 2014. (англ.)

[1] Афіцыйныя вынікі кваліфікацыі (нявызн.)(недаступная спасылка). Архівавана з першакрыніцы 8 чэрвеня 2014. Праверана 12 чэрвеня 2014. (англ.)

[2] Гуцьерэз прпусціць кваліфікацыю з-за пашкоджання шасі (нявызн.)(недаступная спасылка). Архівавана з першакрыніцы 10 чэрвеня 2014. Праверана 12 чэрвеня 2014. (англ.)

[3] Афіцыйныя вынікі гонкі (нявызн.). Праверана 12 чэрвеня 2014. (англ.)

[1]

[2]

[3]