Перайсці да зместу

Гродзенскі шклозавод

З Вікіпедыі, свабоднай энцыклапедыі
Гродзенскі шклозавод
Тып ААТ
Заснаванне 1922
Размяшчэнне Сцяг Беларусі Беларусь, Гродна
Ключавыя постаці Юрый Анатолевіч Скрыпко
Галіна лёгкая прамысловасць
Прадукцыя шклатара (зялёная, аліўкавая і бескаляровая)
Сайт Афіцыйны сайт

ААТ «Гро́дзенскі шклозаво́д» — беларуская кампанія па вытворчасці шклатары, якая размешчана ў Гродна.[1]

Вырабляе і прадае шклатару ў трох асноўных колерах: зялёны, аліўкавы і бясколернай. Супрацоўнічае са спажыўцамі шклянога пакавання ў Беларусі: ААТ «Мінскі завод пеністых він», ЗАТ «Бабруйскі бровар», ЗАТ «Мінскі завод вінаградных він», ААТ «Мінск Крышталь», ТАА «Завод Бульбашъ». Існуюць магутнасці па выпуску ўзорыстага і армаванага шкла. За ўсе гады працы завод неаднаразова мадэрнізаваўся.

Заснаваны ў 1922 годзе. Складаўся з рэгенератыўнай газастанцыі, адной ваннай печы, якая працавала на вугальным газе, і састаўнога цэха. Першай прадукцыяй завода была аптэкарская бутэлька (склянка). Усе вытворчыя працэсы ажыццяўляліся ўручную. Падчас вайны шклозавод быў разбураны. Аднаўленчыя работы былі пачаты пасля вызвалення горада ў 1944 годзе. У 1947 годзе Гродзенскі шклозавод дасягнуў даваеннага ўзроўню па выпуску прадукцыі. У тым жа годзе пабудавана ванная печ для вытворчасці аптэкарскага посуду на найноўшых па тых часах паўаўтаматах ВШМ.

У 1953 годзе было выпушчана звыш 6 млн штук бутэлек для харчовай прамысловасці і 10,3 млн штук аптэкарскага посуду. У 1959 годзе пабудавана 1-ая чарга цэха па выпуску шкляных шарыкаў. У параўнанні з 1953 годам магутнасць завода павялічылася ў 1,5 разы. У 1964 годзе прадпрыемства цалкам перавялі на прыродны газ для ацяплення ўсіх тэхналагічных агрэгатаў.

У 1970-я разам з пераўзбраеннем на заводзе асвоілі высокатэмпературныя спосабы варэння шкла, механізавалі апрацоўку сыравіны. У 1971 годзе быў пабудаваны і ўведзены ў эксплуатацыю асноўны цэх з сямю аўтаматычнымі лініямі па апрацоўцы сыравіны магутнасцю 200 тон шыхты ў суткі. У 1977 годзе на заводзе пабудаваны цэх выпрацоўкі пракатнага шкла і шклаблокаў. 11 красавіка 1978 года атрымана першая стужка ўзорыстага шкла на лініі ППС-500, і ўпершыню ў СССР у другім паўгоддзі 1978 года на лініі ЛСБ-6 атрыманы будаўнічыя шклаблокі. У 1991 годзе на заводзе ўсталяваны першы айчынны шклофармуючы аўтамат ротарнага тыпу ВВ-7 па выпуску бутэлькі для шампанскага.

У 1 квартале 2003 года праведзена рэканструкцыя змяшальнага аддзялення цэха падрыхтоўкі шыхты з устаноўкай аўтаматычнай лініі. На лініі ППС-500 праведзена рэканструкцыя з павелічэннем шырыні стужкі ўзорыстага шкла да 1300 мм. У сакавіку 2004 года адбылася мадэрнізацыя шклатарнай вытворчасці пад устаноўку электроннай секцыйнай шклофармуючай машыны, пуск аўтаматычнай лініі падрыхтоўкі шыхты для секцыйнай шклофармуючай машыны. У 2005 годзе праведзена мадэрнізацыя шклатарнай вытворчасці на лініі № 3, адбылася ўстаноўка двух шклофармуючых аўтаматаў і тэхналагічных ліній на ваннай печы № 3. У 1 квартале 2006 года завершана мадэрнізацыя шклатарнай вытворчасці на лініі № 4. У 2007 годзе адбылася мадэрнізацыя шклатарнай вытворчасці на шклаварнай печы № 2 з устаноўкай чатырохсекцыйнай шклофармуючай машыны.

У 2008—2009 гадах праведзены работы ў рамках інвестыцыйнага праекта «Рэканструкцыя тэхналагічнай лініі ўзорыстага шкла». У 2011—2012 гадах праведзены работы ў рамках інвестыцыйнага праекта «Рэканструкцыя тэхналагічнай лініі на ваннай печы № 3, цэха № 2 па вытворчасці шклатары і шклаблокаў». У 2013 годзе праведзена мадэрнізацыя шклаварнай печы № 6 цэха № 3 па вытворчасці пракатнага шкла і бутэлькі, з мэтай павышэння прадукцыйнасці печы на ​​5—10 %.

Зноскі

  1. Гродненский стеклозавод, ОАО (руск.)(недаступная спасылка). 1info. Архівавана з першакрыніцы 27 лістапада 2022. Праверана 21 верасня 2018.