Гросмайстар
Гросмайстар (з ням.: Großmeister, міжнародны скарот: GM) — ганаровае званне, якое прысвойваецца шахматыстам Міжнароднай шахматнай федэрацыяй (FIDE). Гэта найвышэйшы тытул, якога можа дасягнуць шахматыст, акрамя тытулу чэмпіёна свету. Тытул прысвойваецца пажыццёва, хоць у выключных выпадках можа быць адабраны, напрыклад, за махлярства.
Хоць большасць гросмайстраў — мужчыны, па стане на 2024 год гэты тытул атрымалі 42 жанчыны з каля 2000 гросмайстраў[1].
Іншыя тытулы
[правіць | правіць зыходнік]Існуе асобны тытул жаночага гросмайстра (WGM), патрабаванні да якога ніжэйшыя, і ён прысвойваецца толькі жанчынам.
Таксама існуюць гросмайстарскія тытулы для састаўляльнікаў і рашальнікаў шахматных задач, якія прысвойваюцца Сусветнай федэрацыяй шахматнай кампазіцыі.
Тытул гросмайстра па перапісцы прысвойваецца Міжнароднай федэрацыяй шахматнай перапіскі (ICCF).
Тытулы FIDE прысвойваюцца падчас штоквартальных пасяджэнняў Рады FIDE[2].
Крыніцы
[правіць | правіць зыходнік]- ↑ FIDE World Top Chess players (англ.). International Chess Federation (FIDE). Праверана 20 мая 2025.
- ↑ B. PERMANENT COMMISSIONS / 01. International Title Regulations (Qualification Commission) / FIDE Title Regulations effective from 1 January 2024 / FIDE Handbook (англ.). International Chess Federation (FIDE). Праверана 20 мая 2025.
