Групавая скорасць

Групава́я ско́расць хваль — скорасць руху групы або цуга хваль, якія ўтвараюць у кожны момант часу лакалізаваны ў прасторы хвалевы пакет.

Прыбліжана характарызуе распаўсюджанне негарманічных хваль. Пры адсутнасці паглынання групавая скорасць роўная скорасці пераносу энергіі хвалі (скорасці перадачы сігналу).

Групавая скорасць u звязана з фазавай скорасцю v формулай Рэлея:

$u=v-{\frac {dv}{d\lambda }},$

дзе λ — даўжыня хвалі.

Калі дысперсія хваль адсутнічае, г.зн.

${\frac {dv}{d\lambda }}=0,$

групавая скорасць раўняецца фазавай.

Групавую скорасць выкарыстоўваюць пры вымярэнні далёкасці ў гідра- і радыёлакацыі, пры зандзіраванні атмасферы, у сістэмах кіравання касмічнымі аб'ектамі і інш.

Літаратура

• Групавая скорасць // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. С. 466.

Спасылкі

• Групповая скорость — артыкул з Фізічнай энцыклапедыі