Грызельда Сапега

Грызельда Сапега
Герб «Касцеша»
Нараджэнне	невядома
Смерць	10 красавіка 1633(1633-04-10) ці 21 студзеня 1633(1633-01-21)
Месца пахавання	Касцёл Дабравешчання Найсвяцейшай Дзевы Марыі і кляштар брыгітак
Род	Вадынскія
Бацька	Ян Вадынскі[d]
Маці	Соф’я з Сабескіх[d]
Муж	Ян Станіслаў Сапега
Грамадзянства	Рэч Паспалітая

Грызельда Сапега, народжаная Вадынская (? — 10 красавіка 1633) — жонка маршалка вялікага літоўскага Яна Станіслава Сапегі.

Біяграфія

Дачка Яна Вадынскага, ваяводы падляшскага (пам. 1616) і Соф’і Сабескай, ваяводзінкі люблінскай; стрыечная сястра караля Яна III Сабескага. Яе братамі былі кашталяны падляшскія Марк і Анджэй Вадынскія

Была ўзята прыёмнай дачкой у сям’ю сваёй бяздзетнай цёткі па маці Аляксандры Марыяны Весялоўскай (да 1588 — каля 1648) і яе мужа Крыштафа Весялоўскага (пам. 1637), вялікага маршалка літоўскага.

З 1632 года стала другой жонкай Яна Станіслава Сапегі (1589—1635), маршалка вялікага літоўскага.

Партрэты Крыштафа Весялоўскага, Грызельды Вадынскай (Сапегі) і Аляксандры Марыяны Весялоўскай (з Сабескіх) на паштовай марцы Беларусі. 2007 г.

Памерла 10 красавіка 1633 года.

У мастацтве

Асноўны артыкул: Партрэт Грызельды Сапегі

Захаваўся партрэт у сармацкім стылі работы невядомага гродзенскага мастака. Грызельда паказана на ім у адзенні замужняй жанчыны, значыць, партрэт мог быць створаны з 1632, калі яна выйшла замуж, і да 10 красавіка 1633, калі яна памерла.