Гуахіра (паўвостраў)

Гуахіра
ісп.: La Guajira
12°02′00″ пн. ш. 71°44′00″ з. д.
Акваторыі	Карыбскае мора, Венесуэльскі заліў
Плошча	12 000 км²
Найвышэйшы пункт	853 м
Краіны	Калумбія Венесуэла
Гуахіра
Медыяфайлы на Вікісховішчы

Гуахіра (Гоахіра, ісп.: Guajira, Goajira) — паўвостраў на поўначы Паўднёвай Амерыкі, паміж Карыбскім морам і Венесуэльскім залівам. Большая частка належыць Калумбіі (дэпартамент Гуахіра), частка — Венесуэле.

Плошча — 12 тыс. км². Вышыня да 853 м. Паверхня на паўднёвым захадзе нізінная, на паўночным усходзе — з асобнымі астанцовымі масівамі вышынёй да 853 м. Клімат і расліннасць трапічныя паўпустынныя. Пашавая жывёлагадоўля. Здабыча солі (на паўднёвым захадзе).

На Гуахіры знаходзіцца самая паўночная кропка Паўднёвай Амерыкі — мыс Гальінас (12 "25 'паўн. ш.). Насупраць размяшчаецца паўвостраў Парагуана.

Паўвостраў Гуахіра — асноўнае месца пражывання індзейцаў гуахіра, якія размаўляюць на мове гуахіра.